Mádenı is-sharany ashyp, sóz sóılegen Qazaqstannyń Mońǵolııadaǵy Tótenshe jáne О́kiletti elshisi J.Ádilbaev uly aqynnyń rýhanı qazynasyn kópshilikke tanystyryp, dóńgelek ústelge qatysyp otyrǵan atalǵan eldegi dıaspora ókilderi men mádenı mekeme qyzmetkerlerine alǵys bildirdi.
Basqosý barysynda, baıandama jasaǵan Mońǵolııa Ǵylym akademııasynyń akademıgi Bakeı Aǵyparuly Abaı – álem tanyǵan tulǵa, degen paıymyn jetkizdi.
Jıyn sońynda Ulanbatyr qalasy D.Nasagdorj atyndaǵy ortalyq kitaphana meńgerýshisi D.Indıra men oqymysty-ǵalym T.Etekbaıǵa abaıtanýǵa qosqan úlesi úshin Qazaqstan Respýblıkasynyń Prezıdenti Qasym-Jomart Toqaevtyń Alǵys haty tabystalsa, elaralyq mádenı aǵartýshylyq baılanysty damytýǵa, sonymen qatar qazaqtyń uly oıshyly Abaı Qunanbaıulynyń shyǵarmashylyǵyn nasıhattaýǵa qosqan úlesi úshin Elite halyqaralyq mektep dırektory B.Tamır, mádenıet qyzmetkeri J.Raıa, muǵalim D.Belgibaeva, «Alash Mońǵolııa» úkimettik emes uıymynyń múshesi J.Bars bastaǵan tulǵalar Mádenıet jáne sport mınıstriniń Alǵys hatymen marapattaldy.
