• 18 Qańtar, 2014

Astana Arlans Bakýde Baku Fires-ke ese jiberdi

303 ret

kórsetildi

1 mın

oqý úshin

Egemen Qazaqstan

18-01-14-box-seria-1

Búgin, 18 qańtar kúni Bakýde Búkilálemdik boks serııasynyń (WSB) 6-týrynda jergilikti Baku Fires komandasymen kezdesken Qazaqstannyń Astana Arlans klýby 1:4 esebimen utylyp qaldy. Bul týraly ras.kz habarlady. Kezdesýde elimizdiń óz jigitteri túgel jeńiliske ushyrady. Al jalǵyz jeńisti komandadaǵy birden-bir legıoner, ırandyq Rýzbahanı ákeldi. Onda da ol urysty nokaýtpen aıaqtady. Alańǵa birinshi bolyp shyqqan serııanyń debıýtanty 52 kıloǵa deıingi salmaqtaǵy Ilııas Súleımenov ázerbaıjan Elvın Mamıshzademen keskilesken shaıqasta 1:2 (48:47, 47:48, 46:49) esebimen ese jiberdi. 60 kılodaǵy Samat Báshenov óz kezeginde jaqynda ǵana Reseıden barǵan Albert Selımovten 0:3 (45:50, 45:50, 46:49) bolyp tize búkti. Budan soń kezdesýdiń taǵdyry da sheshildi. Atap aıtqanda, 69 kıloǵa deıingi salmaqtaǵy qazaqstandyq Meıirim Nursultanov Ázerbaıjan komandasynyń belorýs legıoneri Evgenıı Romashkevıchpen teń jekpe-jekte attan aýyp tústi. Esep - 1:2 (47:48, 48:47, 46:49). Osymen alań ıeleri esepti 3:0-ge jetkizdi. Sosyn qazaqstandyqtarǵa biirnshi jeńis keldi. Ony 81 kıloǵa deıingi salmaqtaǵy parsy Ehsan Rýzbahanı jasady. Astanalyqtyń judyryǵynan daǵystandyq Samır Magomedov tura almaı qaldy. Al sońynan 91 kılodan joǵary salmaqtaǵy Rýslan Myrsataev daǵystandyq legıoner Hadjı Mýrtýzalıevten 0:3 (46:49, 46:49, 46:49) esebimen jeńildi. Astana Arlans kelesi matchyn 1 aqpan kúni ótkizedi. Bizdiń jigitter óz alańynda reseıliktermen, ıaǵnı Russian Boxing Team komandasymen judyryqtasady. Damır Qojamqul. Derekkóz: ras.kz.