BABALAR О́SIETI BIRLIK EDI

Bir zamandary aıbyny asqaq, jurtyn bastap júretin nebir uly tulǵalardy túletken, keıin quby­lasy qyryq qubylǵan saıasat tusynda júndeı tútilgen qazaqtyń ulttyq minezi “Tek azat halyqta ǵana ulttyq minez boldy”, dep Jermena de Stal aıtqandaı, táýel­siz jyldary boı tiktep, sen kimsiń degenderge, men Tóle, Qazy­bek, Áıteke bılerdiń urpaǵy­myn deıtin dárejege jettik. Sol úsh uıytqynyń arǵy-bergi jaǵyn­daǵy tarıhymyzdy tarazylaýdy qolǵa alyp, biraz ıgilikti shara­lardy iske asyrdyq. Sonyń bir ádemi kórinisi, kúni keshe Prezı­dent­tik mádenıet ortalyǵynda ótken týma talant, tuǵyry myqty azamat, aıtýly sýretshi Toqbolat Toǵysbaevtyń “Tóle bı, Qazybek bı, Áıteke bı portretteri” trıp­tiginiń jáne ıtalııalyq sýretshi Djýzeppe Kastılonıdiń “Qazaq­­stannyń Sın ımperatory­na sáı­gúlik syılaýy” atty kartına negizinde Aseın Jumabekov salǵan týyndysynyń tusaýkeser rásimi der edik. Tusaýkeser rásiminde alǵashqy sózdi ortalyq dırektory Myr­zataı Joldasbekov alyp, ıgilikti shara týraly jan-jaqty málimet berdi. Qazaq halqynyń eshbir ult pen etnosqa uqsamaıtyn ózindik salt-dástúrin tizbeleı aıtyp, murajaıda “Altyn adamdardan” ózge, alpys eki attyń altyn, kú­mis­pen áshekeılegen er-tur­many­nyń turǵanyn, ózge de jádiger­lerdiń saqtalǵanyn jáne basqa da qundylyqtardyń ereksheligine, Toǵysbaevtar áýletiniń daryn-qarymyna toqtala kelip, sonaý HÚIII ǵasyrdan jetken sýretti elge jetkizgen qazaqtyń kózi ashyq, kóńili oıaý tarıhshy qyzy Merýert Ábýseıitovanyń zerek­ti­gine shynaıy rızashylyǵyn bil­dirdi. Al osy jumystyń atqary­lýy­na qarjylaı kómek kórsetken atymtaı jomart mesenat, tarıhı dúnıelerdi mýzeı qoryna syıǵa tartqan Músilimbaı Daıyrbekov ómir boıy úsh bıdiń rýhyna basyn ıip kele jatqanyn, jazyq­syz japa shekken tusta arýaq­tary­na syıynyp qaterden aman qalǵa­nyn tebirene turyp aıtsa, tarıh­shy Baqyt Ejenhan ıtalııa­lyq sýret­shi­niń eńbegi buryn kitap­tarda ǵana kórinis tapsa, endi qaıta jań­ǵyryp, murajaıda jurt ıgili­gine aınalatynyn jetkizdi. Qazaq­tyń aqıyq aqyn qyzy Farıza Ońǵarsynova táýelsizdik­tiń qadir-qasıetiniń ózi osydan kórinip otyrǵanyn, úsh bıdiń atyn bir kezderi sybyrlap aıt­saq, endi asyl beınesi keregemiz­den kósem­derdi yǵystyryp oryn tapqanyn, ult tarıhyn ózimiz ǵana bilip qoımaı, qyzyl-jasyl dúnıeniń jeteginde júrgen keıingi jasqa uǵyndyrý kerektigin tilge tıek etti. Senator О́mirbek Baı­gel­dı ata-baba taǵylymyna adal bolý jónindegi tereńnen tartqan kesek-kesek oılaryn naqty dálel-dáıek­­terge júginip ortaǵa saldy. Qazirdiń ózinde tórtkúl dúnıege tanylyp úlger­gen ataqty sýretshi, Memlekettik syılyqtyń laýreaty Erbolat Tólepbaı qazaq óneriniń arǵy-bergi tarıhyn barlaı kelip, el saıasatynyń sımvoly osy úsh bı ekenin, qaı týyndy da qundy bolyp esep­teletinin, ultymyzdyń ulylyǵyn álemge tanytqan “Al­tyn adamdy” jasaǵan sýretshi aty belgisiz bolyp qalǵan ózge emes, óz babamyz, degen sózdi qadap aıtty. Aq matamen kómkerilip turǵan úsh bıdiń portretterin ashý qur­metin Parlament Senatynyń depýtattary Qýanysh Sultanov, Ádil Ahmetov jáne qoǵam qaırat­keri Álıhan Báımenov atqarsa, “Qazaqtardyń Sın  ımpera­tory­na sáıgúlik syılaý” atty kar­tına­nyń lentasyn “Nur Otan” HDP-nyń Astana qalasy boıynsha fılıaly tóraǵasynyń oryn­basary Ámirhan Raqym­janov, Parlament Senaty­nyń depýtaty О́mirbek Báıgeldı, Joǵarǵy Sottyń tóraǵasy Musa­bek Álimbekov qıdy. Budan keıin el azamattary úsh bıge quran oqytyp, as berdi. Jaqsy iske jana­shyrlyq tanytqan azamat­tarǵa syı-sııapat jasap, qurmet kórsetti. Aıtys óneriniń aıtýly ókili Amanjol Áltaev úsh bıge arnaǵan tolǵaýynda: “Bilseńizder úsh bıim emes pe edi, jerime abaq­tyny saldyrmaǵan”, dep artynan “Ultaraqtaı jerimdi sat­qyz­baǵan... Tolık, Kolıa kóbeıgen bul zamanda, Úsh bıdi ardaqtaıtyn balań bolsyn, Urpaǵynyń keý­desinde qońyraýdaı, Tóle, Áıteke, Qazybek syńǵyrlasyn”, dep babalar ósıeti birlik bolǵan óleń joldarymen nóserletip jiberdi. Súleımen MÁMET.