Keshe Ortalyq kommýnıkasııalar qyzmetiniń minberinde «Qazaqstan-2050» jalpyulttyq qozǵalysynyń bir top músheleri Prezıdent N.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyna sáıkes ózderiniń oılaryn aıtyp, jýrnalısterge brıfıng berdi.
Keshe Ortalyq kommýnıkasııalar qyzmetiniń minberinde «Qazaqstan-2050» jalpyulttyq qozǵalysynyń bir top músheleri Prezıdent N.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyna sáıkes ózderiniń oılaryn aıtyp, jýrnalısterge brıfıng berdi.
Kezdesýdi qozǵalys tóraǵasy Danat Jýmın ashyp, júrgizip otyrdy. Aldymen ol qozǵalystyń ótken jyldyń 6 jeltoqsanynda dúnıege kelgenin aıtyp ótti. Onyń maqsaty Elbasynyń «Qazaqstan-2050» Strategııasyn iske asyrý jolynda jastardyń kúshi men bilimin biriktirýge baǵyttalǵan. Oǵan túrtki bolǵan Prezıdenttiń «Bolashaq» stıpendııasynyń 20 jyldyǵyna arnalǵan forýmda aıtqan sózi eken. Sonymen birge, bul qozǵalysqa «Bolashaq» stıpendııasy arqyly oqymaǵan jastardy da tarttyq. Bizdiń qozǵalysymyz qatardaǵy qoǵamdyq emes, júıeli túrde qurylǵan uıym, dedi ol.
Odan ári D.Jýmın qozǵalystyń búgingi kúnge deıin atqaryp jatqan jumystary týraly aıtty. Bizdiń eń basty jumysymyz Prezıdenttiń Strategııasyn halyqqa túsindirý, onyń asa zor maqsatyn ashyp kórsetý bolyp tabylady. Ony iske asyrýǵa árbir azamattyń qatysýynyń mańyzdy ekenin halyqqa jetkizýge tyrysýdamyz. Bul qujat bizdiń bolashaq urpaǵymyzdyń jarqyn ómir súrýine qajetti baǵdarsham ekenin árbir qazaqstandyqqa uǵyndyryp, onyń qanshalyqty tereńdikti qamtıtynyn jetkizemiz. О́ziniń jáne urpaǵynyń bolashaǵyn Qazaqstanmen baılanystyrǵysy keletin árbir azamat úshin bul Strategııanyń oryndalýy óte mańyzdy. Biz sony halyqqa uǵyndyrý jolynda eńbek etip kelemiz, dedi sheshen.
Ekinshi bolyp sózdi jas bıznesmen, qozǵalys belsendisi Muhtar Mankeev aldy. Ol da qozǵalystyń maqsatyna toqtaldy. Bizdiń maqsatymyz Elbasy N.Nazarbaevtyń «Qazaqstan-2050» Strategııasyn qoldaý arqyly elimizdi damyǵan 30 eldiń qataryna engizýge atsalysý bolyp tabylady. Bizdiń barlyq qyzmetimiz osy iske jumyldyrylǵan deı kelip, ol 2014 jylǵy naqty jumystar týraly aıtty.
Sóz kezegi ózine tıgende belgili balalar kardıohırýrgi Dmıtrıı Gorbýnov Joldaýdyń densaýlyq saqtaý salasy týraly aıtylǵan baǵyttaryna toqtalyp, onda kóterilgen máselelerdiń óziniń kóńilin kónshitkenin atap ótti. Máselen, Prezıdenttiń Qazaqstanda medısınalyq týrızmniń belsendi túrde damyǵanyn qalaıtyny óte oryndy ekenin jetkizdi. Bul bizdiń medısınamyzdyń kórshi elderge qaraǵanda, joǵary deńgeıge kóterilýine múmkindik berip, sol elder azamattarynyń Qazaqstanda emdelip, osynda ota jasatýǵa tyrysýshylyǵyn arttyrar edi, dedi sheshen.
Odan ári D.Gorbýnov ózderiniń klınıkalaryndaǵy jumystarǵa toqtalyp, oǵan jaqyn shetelderden de pasıentterdiń kóptep kele bastaǵanyn tilge tıek etti. Sóziniń qorytyndysynda Prezıdenttiń qazaqstandyqtardyń ortasha jasy 80-ge jetýi jolynda qyzmet etý kerektigi týraly aıtqany óte oryndy ekenin atap ótti.
«Qazaqstan-2050» jalpyulttyq qozǵalysynyń bir belsendisi Ulttyq bıotehnologııa ortalyǵynyń qyzmetkeri, jas ǵalym, genetık Aısha Ysqaqova eken. Sóz kezegi ózine tıgende ol Joldaýda ǵylymǵa óte kóp kóńil bólgenine tánti bolǵanyn jetkizdi. Ǵylym salasyndaǵy izdenisterdi qarjylandyrý kólemi IJО́-niń 3 paıyzy kólemine jetkeli otyrǵany ǵylym jolyndaǵy jastardyń belsendiligin arttyra túseri sózsiz. Ǵylymı jolmen damıtyn ekonomıkaǵa tek osyndaı qamqorlyqpen ǵana qol jetkizýge bolady. Sonyń ishinde agroónerkásiptik keshenniń damýyna da ǵylymı jetistikterdi paıdalanýdyń mańyzdylyǵy týraly kóptegen oılar jasaldy. Endi Joldaýdaǵy osy talaptardyń bári de iske asyrylady degen úmittemiz, dedi jas ǵalym.
Brıfıngtiń sońynda jınalǵandar jýrnalısterdiń kóptegen suraqtaryna jaýap berdi.
Jaqsybaı SAMRAT,
«Egemen Qazaqstan».
