Shilde aıynda respýblıka boıynsha AI-92 markaly bir lıtr benzın orta eseppen 173 teńgeden satylǵan. Maýsymmen salystyrǵanda 0,9%-ǵa joǵary. О́sim aldaǵy ýaqytta da jalǵasýy múmkin.
Onyń aıtýynsha, qazir Pavlodardaǵy munaı óńdeý zaýytynda AI-92-niń kóterme baǵasy 6-7 teńgege qymbattady.
«Bir eki apta ishinde bul janarmaı quıý beketterindegi baǵaǵa áser etedi. Sondaı-aq kórshi Reseıde de janarmaı jyl basynan beri 6%-ǵa qymbattady. Munda AI-92 markasy tól aqshamyzǵa shaqqanda 270-290 teńge aralyǵynda. Bizdiń elmen salystyrǵanda júz teńgedeı aıyrmashylyq bar. Bul shekaralas aımaqta janarmaıdyń Qazaqstannan Reseıge zańsyz tasymaldanyp, elde benzın tapshylyǵyn týdyrýy múmkin», deıdi.
