Álem • 16 Tamyz, 2021

Kabýlda ushyp bara jatqan ushaqtan qulaǵan birneshe adam kóz jumdy

830 ret

kórsetildi

1 mın

oqý úshin

Áleýmettik jeliler men buqaralyq aqparat quraldarynda ushyp bara jatqan ushaqtan qulaǵan adamdardyń vıdeosy tarap jatyr. Keıbir málimetter boıynsha, vıdeo Kabýlda túsirilgen, dep habarlaıdy Egemen.kz.

Gaýhar QAPASh

Kabýlda ushyp bara jatqan ushaqtan qulaǵan birneshe adam kóz jumdy

Vıdeodan ushaqtan adamdar qalaı qulap jatqanyn kórýge bolady. Jergilikti BAQ bul Kabýldan ketkisi kelgen adamdar bolýy múmkin dep boljaıdy.

«Vıdeo áleýmettik jelilerde tarala bastady. Onda eki adam ushaqta jasyrynyp, ushyp shyqqannan keıin birneshe mınýttan soń jerge qulaǵany túsirilgen», dep jazady jergilikti Shamshad News telearnasy vıdeo jarııalap.

Buǵan deıin Qaýipsizdik Kúshterindegi derekkóz RIA Novostıge AQSh áskerı kúshteri Kabýl áýejaıynda aýǵandyqtarǵa oq jaýdyrǵannan keıin birneshe adam qaıtys bolǵanyn jetkizgen. О́z kezeginde Frans Press agenttigi kýágerge silteme jasaı otyryp, AQSh áskerı kúshteri Aýǵanstan astanasynyń áýejaıynda kóp adam ushý-qoný jolaǵyna shyqqan kezde eskertý úshin oq jaýdyrǵanyn habarlady.

Aıta keteıik, 15 tamyzda «Talıban» qozǵalysynyń (Qazaqstanda tyıym salynǵan) sodyrlary Aýǵanstan astanasy Kabýlǵa kirip, prezıdent saraıyn basyp alǵany habarlanǵan bolatyn. Olar is júzinde Aýǵanstan Islam Ámirliginiń qurylǵanyn jarııalap, eldegi bılikti qolyna aldy. Keıinirek Talıban ókili eldegi soǵys aıaqtalǵanyn jarııalady.