«Qasym-Jomart Toqaev pandemııa bastalǵaly beri Ońtústik Koreıaǵa saparmen kelgen álemdik deńgeıdegi birinshi kóshbasshy», dep jazady Berik Ýálı.
Prezıdenttiń baspasóz hatshysynyń jazýynsha, memlekettik sapar baǵdarlamasy asa aýqymdy.
Erteń, 17 tamyz kúni Prezıdent Mýn Chje Inmen kelissóz ótkizý josparlanǵan. Onda taraptar Qazaqstan men Koreıa arasyndaǵy strategııalyq yntymaqtastyqty odan ári damytýdyń keń aýqymdy máselelerin qarastyrady. Kelissóz qorytyndysy boıynsha birqatar ekijaqty qujatqa qol qoıylady.
Qasym-Jomart Toqaev Mýn Chje Inmen birge Koreıa bıznesiniń jetekshilerimen kezdesý ótkizedi.
Sonymen qatar Memleket basshysy Koreıanyń ulttyq batyry, ómiriniń sońǵy jyldarynda Qazaqstanda turǵan general Hon Bom Dony eske alýǵa arnalǵan is-sharaǵa qatysyp, Otan úshin qurban bolǵandardyń Monýmentine gúl shoǵyn qoıady.
Budan keıin Koreıanyń iri kompanııalarynyń qatysýymen birqatar ekijaqty kezdesý ótkizedi. Sondaı-aq BUU-nyń burynǵy Bas hatshysy Pan Gı Mýnmen júzdesý josparlanǵan.
