Elbasynyń bul jolǵy Joldaýynda mańyzdy máseleler kóptep kóterildi. Joldaýdyń ár bóliminde naqty baǵyttar men aıqyn maqsattar kórinip tur. Buǵan deıin «Qazaqstan-2050» Strategııasy qabyldanǵany málim. Onda álemdegi eń damyǵan 30 eldiń qataryna qosylý basty maqsat etip qoıylǵan. Búgingi Joldaýda sol maqsatqa jetýdiń joldary men mehanızmderi, túrli ıirimderi men tetikteri kórsetilgen. Sebebi, damyǵan 30 eldiń qataryna qosylý óte qıyn ári asqan jaýapkershilikpen eńbek etýdi talap etetin mindet.
Máýlen ÁShIMBAEV,
Májilis depýtaty, Halyqaralyq ister, qorǵanys jáne qaýipsizdik komıtetiniń tóraǵasy.
Elbasynyń bul jolǵy Joldaýynda mańyzdy máseleler kóptep kóterildi. Joldaýdyń ár bóliminde naqty baǵyttar men aıqyn maqsattar kórinip tur. Buǵan deıin «Qazaqstan-2050» Strategııasy qabyldanǵany málim. Onda álemdegi eń damyǵan 30 eldiń qataryna qosylý basty maqsat etip qoıylǵan. Búgingi Joldaýda sol maqsatqa jetýdiń joldary men mehanızmderi, túrli ıirimderi men tetikteri kórsetilgen. Sebebi, damyǵan 30 eldiń qataryna qosylý óte qıyn ári asqan jaýapkershilikpen eńbek etýdi talap etetin mindet.
Desem de, Memleket basshysy damyǵan 50 eldiń qataryna bar-joǵy 21 jyldyń kóleminde erkin engen elimiz, bul mejeni de baǵyndyra alatynyna senimdi.
Negizinen elimizdiń ekonomıkasyn júıeli damytyp, ǵylym men óndiristiń birigýin, sóıtip, ozyq tehnıka men tehnologııalardy úzdiksiz jetildirip otyrý máseleleri kóp aıtyldy. Memleketimizdiń irgetasy nyǵaıýy úshin ekonomıkamyz turaqty ári myqty bolýy kerek. Sonda ǵana halyqtyń áleýmettik jaǵdaıy durystalyp, beıbit ómirimizdiń shyrqy ár kez baıandy bolady. Desek te, Elbasy búgingi Joldaýynda ulttyq qundylyqtarǵa da basa nazar aýdardy.
Joldaýda Memleket basshysy Máńgilik El ıdeıasyn kóterdi. Onda Máńgilik Eldiń egemendigin tuǵyrly etý máselesine nazar aýdardy. Memleketimizdiń bolashaǵyn durys baǵdarlap, qazirgi zamandaǵy damý úrdisterinen qalyp qoımaı, álemdegi ózimizdiń laıyqty ornymyzdy ıelenýge tıispiz. Endi budan bylaı táýelsizdigimizdi, memlekettigimizdi sát saıyn nyǵaıta berýimiz kerek. Ideologııalyq jumystardy jetildirip, halqymyzdy Máńgilik El ıdeıasyna jumyldyrýymyz qajet. Negizi, elimiz táýelsizdik alǵan jyldardan bergi basty maqsatymyz – Máńgilik El qurý bolatyn. Memleket basshysy bul Joldaýynda ol maqsatqa jetýdiń joldary men tetikterin kórsetip, kezeńderin belgilep berdi. Endi Úkimet pen Parlament palatalary, sondaı-aq, basqa da qoǵamdyq uıymdardyń bári osy Máńgilik El ıdeıasynyń qasynan tabylyp, kemel keleshek jolyna jumylýy kerek.
