Elbasy Joldaýynyń qaısysyn alyp qarasańyz da, strategııalyq mańyzdylyǵy men belgili merzimde naqty mindetter men máselelerdiń sheshilýin qamtamasyz etýge baǵyttalǵanyn kóremiz. Bıylǵy Joldaý da osy turǵydan sıpattalyp otyr.
Joldaýdyń basty ereksheligi, Elbasynyń ózi aıtqandaı, 30 damyǵan eldiń qataryna ený joldary osy qujatta qamtylyp, baǵyttary naqtylanyp, aıqyndalyp otyr. Ekonomıkanyń ósimi jylyna 4 paıyzdan kem bolmaýy mindetteldi. Al eger, ósim 5-6 paıyzdan joǵary bolsa, Strategııadaǵy kózdelgen maqsattarǵa merziminen buryn qol jetkizetinimiz atap kórsetildi.
Elbasy Joldaýynyń qaısysyn alyp qarasańyz da, strategııalyq mańyzdylyǵy men belgili merzimde naqty mindetter men máselelerdiń sheshilýin qamtamasyz etýge baǵyttalǵanyn kóremiz. Bıylǵy Joldaý da osy turǵydan sıpattalyp otyr.
Joldaýdyń basty ereksheligi, Elbasynyń ózi aıtqandaı, 30 damyǵan eldiń qataryna ený joldary osy qujatta qamtylyp, baǵyttary naqtylanyp, aıqyndalyp otyr. Ekonomıkanyń ósimi jylyna 4 paıyzdan kem bolmaýy mindetteldi. Al eger, ósim 5-6 paıyzdan joǵary bolsa, Strategııadaǵy kózdelgen maqsattarǵa merziminen buryn qol jetkizetinimiz atap kórsetildi.
Sol sebepten Memleket basshysy osy Joldaýda sannan sapaǵa ótý máselesin erekshe atap ótti. Ozyq nanotehnologııalar men ınnovasııany, ǵylymı jetistikterdi barynsha keńinen paıdalanyp, barlyq salaǵa engizý, ekonomıkanyń tıimdiligin arttyrý máselesine basymdyq berildi. Bizdiń óńir úshin de mańyzdy bolyp tabylatyn shaǵyn jáne orta bıznes, aýyl sharýashylyǵyna jáne áleýmettik salalarǵa, jumyssyzdyqpen kúreske erekshe toqtaldy.
Sonymen qatar, Shymkenttiń iri qalalar aglomerasııasyna engizilip, zamanaýı ýrbanıstik ortalyqqa aınalý kerektigi úshin qýanyshty habar bolsa, jergilikti bılik úshin úlken jaýapkershilik. Ǵylym, ınfraqurylymdar men logıstıkany damytý jaıly aıtylǵan mindetterdiń óńir úshin mańyzdylyǵy taǵy da dáleldenip otyr.
Jergilikti bıliktiń quzyretin kúsheıtý kerektigi jáne soǵan sáıkes suranystyń da bolatyndyǵy − bul da osy Joldaýda aıtylǵan mańyzdy saıası sheshimderdiń biri.
Joldaý – memlekettik mekemeler úshin mindetti túrde oryndalýǵa tıis saıası qujat. Oblys ákimdigi júktelgen mindetterdi oryndaý úshin qajet sharalardy qabyldap, tıisti jumysty atqaratyn bolady. Al oblys turǵyndary bıyl da birlik men yntymaq arqasynda Joldaý aıasyndaǵy tıisti jumystardy zor qarqynmen júrgizedi degen senimdemin.
Asqar MYRZAHMETOV,
Ońtústik Qazaqstan oblysynyń ákimi.
ShYMKENT.
