Uıym basshysy Tedros Adanom Gebreıesýstyń aıtýynsha, qazir bul qarajatty tappasa jáne delta shtamynyń taralýyn ekonomıkasy álsiz elderde toqtatpasa, álemdik qaýymdastyq kelesi jyly sharasyz «qarjy bólýge» májbúr bolady degen pikirdi ustanady.
Somanyń bir bóligi, naqtylasaq, 2,4 mıllıard dollar - halqynyń tabysy tómen jáne ortasha elderde vırýsty anyqtap, testileýdi jaqsartýǵa jumsalmaq. Medısına qyzmetkerlerin qorǵanys quraldarymen qamtamasyz etý úshin 1,7 mıllıard qajet, koronavırýstyń aýyr túrlerin emdeý úshin aýrýhanalardy ottegimen qamtamasyz etýge taǵy 1,2 mıllıard jumsalady.
DDSU basshysy álem pandemııanyń ótkir kezeńinde ekenin atap ótti. Jańa shtamdardan qaýip joǵary. Qazirgi ýaqytta álemde «alfa», «beta», «gamma» jáne «delta» shtamdary basym, biraq basqa da qaýipti mýtasııalardyń paıda bolýy múmkin. Uıymnyń boljamy boıynsha, vırýstyń taralý qarqyny qazirgideı bolsa, 2022 jyldyń qańtarynda SARS-CoV-2 juqtyrǵandardyń sany 300 mıllıonnan asýy múmkin.
