Álem • 17 Tamyz, 2021

Jelide aýǵandardyń janshoshyrlyq sýretteri jarııalandy

1540 ret

kórsetildi

1 mın

oqý úshin

Jelide adam tolyp otyrǵan ushaq bortynan sýret jarııalandy, bul ushaq amerıkalyq evakýasııalyq áýe kemesi delinedi, dep habarlaıdy Egemen.kz.

Gaýhar QAPASh

Jelide aýǵandardyń janshoshyrlyq sýretteri jarııalandy

Sýretti Pentagonnyń baspasóz qaýymdastyǵy vıse-prezıdenti Markýs Vaısgerber Twitter jelisinde jarııalady. Kadr 15 tamyzda keshki ýaqytta túsirilgeni aıtylady.

Sýrette Aýǵanstannan AQSh-qa ushatyn amerıkalyq kólik ushaǵynyń salony beınelengen. Bastapqyda adamdardy bulaısha bortqa alý josparlanbaǵany atap ótildi, biraq elden ketkisi keletin aýǵandardyń aǵynyn toqtatý múmkin bolmapty. Nátıjesinde, Vaısgerberdiń aıtýynsha, ushaq salonyna shamamen 640 bosqyn jınalǵan.

Eske salaıyq, tálipter eldegi bılikti tez basyp alýyna baılanysty Aýǵanstan astanasy Kabýlda dúrbeleń bolyp jatyr. 16 tamyzda júzdegen adam elden ketýge tyrysyp, Kabýl áýejaıyna jınalǵan.

Keıinirek jurt elden ketýge tyrysyp, ushaqtyń qaptamasyna jabysyp jatqany túsirilgen vıdeo paıda boldy. BAQ áýejaıdaǵy tártipsizdik kezinde kem degende 7 adam qaıtys boldy dep habarlaıdy. Olardyń qatarynda amerıkalyq áýe kemesine jarmasqandar da bar.