Osy oraıda komıtet mamandary salyq zańnamasyna ózgeris engizilgenin eske saldy. Oǵan sáıkes, 2020 jyly 1 qańtardan bastap jeke tulǵalardyń menshik quqyǵyna tıesili jer ýchaskeleri jáne jyljymaıtyn múlik boıynsha salyqtar biryńǵaı múlik salyǵy bolyp biriktirildi. Sol sebepti salyqtyń eseptelgen somasy jyljymaıtyn múlik pen jer ýchaskesi boıynsha mindettemelerdi qamtıdy jáne biryńǵaı somamen tólenedi.
«2020 jylǵa múlik salyǵyn tóleý merzimi 2021 jylǵy 1 qazanda aıaqtalady», deıdi mamandar.
Salyq somasyn qaıdan kórýge bolady
Múlik salyǵynyń somasyn tóleý merzimi bastalǵanǵa deıin «E-salyq Azamat» mobıldi qosymshasynda, sondaı-aq Kaspi.kz jáne Homebank bankteriniń mobıldi qosymshalarynda kgd.gov.kz «Aldaǵy tólemder» servısinen bilýge bolady. Sol jerde birden tólem jasaýǵa da múmkindik bar.
