Afınadan ońtústikke qaraı 60 shaqyrym jerde ornalasqan Lavrıo portynyń janyndaǵy taýda jalyn jalyndap, jaǵajaıdyń ústinde qalyń tútin paıda boldy.
О́rttiń biri 16 tamyzda Attıkanyń shyǵysyndaǵy Kerateıa qalasynda shyqty. О́rt butany tez joıyp, Sýnıon aımaǵyndaǵy ulttyq saıabaqqa taraldy. О́rttiń taralý qaýpine baılanysty jergilikti halyq evakýasııalandy.
О́rt aımaǵynda múgedektigi bar qart áıel joǵalyp ketkeni aıtyldy. Tilsiz jaý kem degende on úıdi zaqymdaǵan.
Jergilikti bılik jalyn shyǵý oshaǵyna 90 órt sóndirýshini, alty sý tógetin ushaqty jáne tórt tikushaqty jiberdi.
El astanasynyń soltústigindegi Vılııa aýylynyń janyndaǵy orman alqabynda, balalar jazǵy lagerine jaqyn jerde bólek jalyn paıda boldy. Oǵan bes tikushaq pen bes órt ushaǵy jiberildi.
Tústen keıin Afınanyń ekinshi jaǵynda, soltústik-batysta taǵy bir órt shyqty. Qatty jel men aptap ystyq saldarynan qutqarýshylar órtti aýyzdyqtaı alar emes.
Qazirgi tańda tergeýshiler órttiń shyǵý sebebin anyqtaýda.
Eske sala ketsek, sońǵy aptalarda Gresııada 500-den astam orman órti tirkeldi. Jerorta teńizi aımaǵynyń elderi, sonyń ishinde Gresııa men Túrkııa sońǵy onjyldyqtardaǵy eń joǵary temperatýrany bastan keshýde.
