BAǴA JETPES IGI ISTI BASTAP BERDI

Elimizdiń táýelsizdigi búgingi ómirimizdegi barlyq jetis­tik­terdiń qaınary ispetti. Ul­ty­myzdyń rýhy qursaýdan bo­­sanyp, qaıta túledi, eko­no­­mıkalyq erkindigimizdiń ar­qa­synda dúnıejúzilik qoǵam­das­tyq­tarǵa múshe bolyp, álemniń damyǵan elderimen terezemiz teń jaǵdaıda qarym-qatynas, baı­lanys jasaı­tyn múmkindikke ıe boldyq. Búginde memleketimizdiń táýel­siz­digimen Prezıdenttik bas­qarý egiz uǵym sııaqty kó­rinedi. О́ıtkeni Qa­zaqstannyń erkindikke qoly jetken kúnnen bastap búginge deıin eli­mizdiń damýy men kórkeıýiniń bar­lyǵy da Tuńǵysh Prezıdentimiz Nur­sultan Nazarbaevtyń esimimen baı­lanysty. Bas-aıaǵy jıyrma jyldyń ishinde elimizde esh­qandaı qıyndyqtar, eshqandaı kem­shilikter joq desek, adamǵa da, Allaǵa da sózimiz ras bol­maı­dy. Keńes Odaǵy tara­ǵannan keıingi burynǵy shıe bolyp baılanǵan ekono­mı­kalyq baı­la­nys­tardyń úzilýi, jo­sparly eko­nomıkanyń ornyna na­ryqtyń kelýi ońaı júre qalǵan úderis emes edi. Eko­no­mı­kalyq reformalardyń bar­lyǵy da jeńil bolǵan joq. Aýyl sha­rýashylyǵyn qaıta qurý kezinde aýyl asa qı­naldy. Áń­gime onyń qıyndyǵynda emes, sol syn­dardan elimizdiń da­nalyq basshylyqtyń arqasynda aman ótýinde bolatyn. Elimizdiń sońǵy jyldary eko­no­mıkalyq damýy álem nazaryna ilikti. Amerıka Qurama Shtattary Qa­zaqstandy TMD elderi arasynda na­ryq jolyna túse alǵan birinshi mem­leket dep tanydy. Sonymen qa­tar Nursultan Nazarbaevtyń syrt­qy beıbit saıasat júrgizýimen Qa­zaqstan halyqaralyq qaty­nas­tar­da da alǵa ozdy. Qazaqstannyń bú­ginde musylman álemi men TMD el­deriniń arasynda birinshi bolyp EQYU-ǵa tóraǵalyq etýi sonyń aıǵaǵy. Álemde eshqashan dinı bas­shylar bir jerde bas qospaǵan. Al Astanada N.Nazarbaevtyń bas­ta­masymen álem­dik jáne dástúrli dinder bas­shy­larynyń úsh sezi ótti. Onda qaı memlekette de beı­bitshiliktiń, turaqtylyqtyń negizi adamdardyń dinı senimine tózim­dilik­pen, qur­metpen qaraý ekenin aty álemge máshhúr dinı qaı­rat­kerlerdiń, dýaly aýyzdardyń qaı­sy­sy bolsa da aıtyp ótti. Bul oraı­da bizdiń Prezıdentimiz syrt­qy saıasatta da kóshbasshy ekenin kórsetti. Qazaqstanǵa issaparmen kelgen Birikken Ulttar Uıymynyń Bas hatshysy Pan Gı Mýn Semeı óńi­rin­degi burynǵy synaq aım­aǵynda bolǵanda ıadrolyq qarý-jaraqtyń qanshalyqty qasiret ekenine, Jer shary úshin beıbit kúnniń baǵasyna eshteńe jetpeıtinine kózi jete túskendeı boldy. Osy saparynda “Iаdrolyq qarýǵa ıe mem­le­ket­ter­di Qazaqstannyń jolymen júrýge shaqyramyn” dedi. Halyqaralyq bedeldi uıym basshysynyń bul sózi Nursultan Ábishulynyń atom ajdahasy – Semeı synaq polı­gonyn ja­býyna, álemde jańa tur­patty memlekettiń paıda bolýyna bergen bıik baǵasy bolatyn. Jaqynda Amerıka Qurama Shtat­tarynda ótken ıadrolyq qaýip­sizdik máselesine arnalǵan jahan­dyq sammıtte Qazaq­stan­nyń álem­degi tórtinshi ıadrolyq arsenaldan óz erkimen bas tartyp, Semeı synaq polıgonyn jabýyn, Prezıdent Nursultan Nazarbaevtyń osy jol­daǵy eńbegin joǵary baǵalady. Beıbitshilik syrtqy saıasat us­tanyp otyrǵan bizdiń el ıadrolyq qa­rýsyz da adamdardyń beıbit ómir súre alatynyn, qo­ǵam­nyń alǵa da­mı­tynyn, ór­ke­nıetten qa­lys­paı­tynyn kór­setti. Ol kóshbasshy saıasat­ker­diń kóregen qadamdary, isteri arqasynda júzege asty. Bala kezimizde “Bom­banyń ornyn te­gis­te­gen, kúrekter mýzeıge qo­ıyl­syn!” dep án shyrqar edik. Qazir ıadrolyq qarý tek adam­zat­ty qyryp ǵana qoı­maıdy, álem­niń ekologııasyna da keri áser etedi. Jumyr jerge ty­nyshtyq be­rýimiz kerek. Al bizdiń Pre­zıdentimiz jer júzindegi beıbit ómir, adamzat amandyǵy úshin ıgi bastamany bastap berdi. Ádette, bastalǵan is jalǵasyn tabady. Esengeldi AShMAHAN, “Balyqty” meshitiniń ımamy. Qostanaı oblysy, Uzynkól aýdany.