Búgin, 20 qańtarda Iran men «Altylyqtyń» Tegeran ıadrolyq baǵdarlamasyna qatysty jasasqan ýaqytsha kelisimi kúshine enedi. Bul týraly Azattyq.org habarlady.
Atalmysh kelisim ótken jyldyń qarasha aıynda Jenevada jasalǵan edi. Onyń qashan iske asatyny 13 qańtarda málim bolǵan.
Kelisim boıynsha, Iran ýrandy baıytý baǵdarlamasyn azaıtýǵa, al halyqaralyq qaýymdastyq Tegeranǵa salynǵan sanksııalardy jumsartýǵa mindetteme alǵan bolatyn.
19 qańtarda Irannyń ıadrolyq baǵdarlamalar departamentiniń ókili ýran baıytýdy shekteý, baıytylǵan ýran qoryn azaıtý jumystaryn «eń mańyzdy mindetterdiń biri» dep ataǵan edi.
Kelisim boıynsha, qazirgi tańda Tegeranǵa barǵan halyqaralyq sarapshylar ıadrolyq nysandardy aralaýǵa ruqsat kútip jatyr.
Ýaqytsha kelisim alty aıdan soń aıaqtalady. Bul alty aı ishinde Iran men alty el budan da iri kelisim jasasý maqsatynda kelissózderdi qaıta jalǵastyrmaq.
AQSh jáne birqatar batys elderi buǵan deıin Irandy ıadrolyq qarý jasaýǵa umtylyp jatyr dep qaýiptengen. Iranǵa ýran baıytýdan bas tartqyzý úshin birqatar sanksııalar da salynǵan edi. Alaıda, Iran bara-bara ıadrolyq qarý jasaýǵa nıeti joq ekenin baıqatyp keledi.
Aıdar О́risbaev.
Derekkóz: Azattyq.org
Foto: Reuters.com
