Ortalyq Azııa jańalyqtar qyzmetiniń jazýynsha, О́rt Báıterek aýdanynyń Trekıno jáne Volodarka aýyldarynyń arasynda shyqqan. Qurǵaq shóp órtenip, jaqyn mańdaǵy ormandy sharpyǵan. Keıin órt Oral ózeniniń arǵy betine ótken. Olar Oral qalasynan 15 shaqyrym jerde ornalasqan.
Qutqarýshylar órt aýmaǵynda oınap júrgen toǵyz balany jáne bir eresek adamdy qutqarǵan.
Oqıǵa ornyna taǵy 31 qutqarýshy jiberildi.
Ázirge órttiń sebebi belgisiz. Kúnniń ystyǵy áseretýi múmkin degen boljam bar.
«Jaz óte ystyq bolyp jatyr, onyń ústine ystyq jel jalyndy birden taratyp áketedi. Ormanshylar qazir az. Olar qurǵaq shópti tazalap úlgermeıdi. Taǵy bir faktor — Oral ózeni tartylyp jatyr. Taldar qýrap jatyr», deıdi «Jasyl maıdan» qozǵalysynyń ókili Zlata Ýdovıchenko.
