Álem • 18 Tamyz, 2021

BUU tálipterdi ýádesinde turýǵa shaqyrdy

220 ret

kórsetildi

1 mın

oqý úshin

BUU «Talıban» qozǵalysy ókilderin aýǵandarǵa bergen ýádesin oryndaýǵa jáne olardyń quqyǵyn buzbaýǵa shaqyrdy, dep habarlaıdy Egemen.kz.

Gaýhar QAPASh

BUU tálipterdi ýádesinde turýǵa shaqyrdy

BUU tálipterdi ýádesine emes, «áreketine» qaraı baǵalaıtynyn aıtty. BUU-nyń adam quqyqtary jónindegi joǵarǵy komıssary keńsesiniń ókili Rýpert Kolvıll sońǵy birneshe kúnde «Talıban» sheneýnikteri birneshe málimdeme jasaǵanyn aıtty. Olar burynǵy úkimette jumys istegenderdiń bárine raqymshylyq jasaýǵa ýáde berdi, sondaı-aq halyqty áıelder jumys isteı alatynyna, qyzdar mektepke baratynyna sendirdi.

«Bul ýádeler oryndalýy kerek. Búginde buryn bolǵan jaǵdaıdy eskersek, bul málimdemelerge kúdik týady. Soǵan qaramastan, ýáde berildi jáne olardyń oryndalýy qatań baqylaýda bolady», dedi ol.

BUU málimetinshe, «Talıban» sodyrlary Aýǵanstanda adam quqyqtaryn óreskel buzyp jatyr. Ásirese, áıelder men jýrnalıster zardap shegedi, dedi BUU bas hatshysy Antonıý Gýterrısh. Ol «beıbit turǵyndarǵa shabýyl jasaý halyqaralyq gýmanıtarlyq quqyqty óreskel buzý jáne soǵys qylmysy» dep basa aıtty.

Buǵan deıin «Talıban» qozǵalysynyń ókili Zabıýlla Mýjahıd Kabýldy basyp alǵannan keıin toptyń alǵashqy baspasóz máslıhatynda qazirgi «Talıbannyń» 20 jyl burynǵydan ózgeshe ekenin aıtty.

«Aýǵanstanda bılikke qol jetkizgennen keıin tálipter adam quqyqtaryn, onyń ishinde áıelderdi qorǵaýǵa ýáde beredi. Eshkim kek saqtamaıdy jáne jalpy kúshti ıslam memleket qurý úshin ótkenniń barlyq qatesin esepke almaıdy», degen bolatyn.