QazAqparat agenttigi taratqan málimet boıynsha, áýejaıda qoıylǵan 16 ınstallıasııanyń árqaısynyń ózindik maǵynasy bar. Olardyń erekshelikteri úsh tilde (qazaq, orys, aǵylshyn) jazylyp kórsetilgen.
«Bizdiń búgingi úsh jaqty yntymaqtastyǵymyz ıaǵnı Ekonomıkalyq zertteýler ınstıtýty, Qazaqstandaǵy BUU Damý daǵdarlamasy jáne Nursultan Nazarbaev halyqaralyq áýejaıynyń birlesken bul jobasy boıynsha aldaryńyzda 16 ınstallıasııa tur, al 17-shi maqsat osy turaqty damýdy júzege asyratyn ol – adam», deıdi Ekonomıkalyq zertteýler ınstıtýty AQ Basqarma tóraǵasynyń orynbasary Baýyrjan Muqan ashylý saltanatynda.
Uıymdastyrýshylardyń málimdeýinshe, adamdardy qorshaǵan orta problemasyna nazarǵa aýdarýǵa shaqyrǵan shara el Táýelsizdiginiń 30 jyldyǵy, Ekonomıkalyq zertteýler ınstıtýtynyń 60 jyldyǵy jáne elorda áýejaıynyń 90 jyldyǵyna arnalyp otyr.
«Biz zamanaýı jahandanýdyń ekologııaǵa zııan keltirip jatqanyna beı-jaı qaraı almaımyz. Osy oraıda máseleden tys qalmaýdy jón kórdik. Bizdiń mekemeniń ekologııalyq kodeksi bar jáne biz ony saqtaımyz. Iаǵnı qorshaǵan orta máselesin sheshýge baǵyttalǵan bastamalardy qýana qoldaımyz. Adamzattyń turaqty damýynyń maqsattaryna arnalǵan osy kórmeni bizde ótkizýge birden kelisimimizdi berdik. Osy ınstallıasııalardy kórgen áýejaı jolaýshylary adamzattyń bolashaq damýyna degen kózqarasyn ózgertedi degen oıdamyz», dedi Nursulan Nazarbaev halyqaralyq áýejaıy AQ Basqarma tóraǵasynyń birinshi orynbasary Dáýlet Hamzın.
