2021 jyldyń segiz aıynyń nátıjesi boıynsha 25 958 jeńil avtokólik jáne 9 219 jolaýshy jáne júk kólikteri joıýǵa tapsyrylǵan.
Jeńildik sertıfıkaty baǵdarlamasy boıynsha 2 315 aýylsharýashylyq tehnıkasy qabyldanǵan. Onyń ishinde 1 830 traktor jáne 485 kombaın tapsyrylǵan.
Qazaqstan boıynsha eski kólikti ótkizýde Shymkent qalasy kósh bastap tur. Atalǵan shahar turǵyndary 38 496 kólik ótkizgen. Odan keıingi orynda Almaty, Taraz, Qaraǵandy, Pavlodar qalalary jaıǵasqan.
Eski kóligin joıýǵa tapsyrǵan qazaqstandyqtarǵa berilgen ótemaqy kólemi 28 mlrd teńgeni qurap otyr.
Aıta ketý kerek eski kólikti joıýǵa qabyldaý baǵdarlamasy 2016 jyldyń qarasha aıynan bastap iske qosylǵan bolatyn. Baǵdarlama suranysyna qaraı kólik qabyldaý tártibi elektrondy júıege aýystyryldy. Munyń barlyǵy halyqqa qolaıly túrde О́KM Operatorynyń recycle.kz resmı saıtynda júrgizilip otyr. Sonymen qosa avtokólikterge beriletin aqshalaı ótemaqy mólsheri ulǵaıtylyp, aılyq eseptik kórsetkishke baılanysty teńistirildi.
Jeńil kólikter úshin 210 myń (72 AEK) , M2 jáne N1 sanatyndaǵy kólikterge 420 myń (144 AEK) jáne M3 sanattaǵy tehnıkalarǵa 630 myń (216 AEK) teńgege deıin ótemaqy belgilendi.
Sonymen qatar ótken jyldyń qarasha aıynan bastap О́KM Operatory isten shyqqan aýyl sharýashylyǵy tehnıkasyn kádege jaratýǵa qabyldaý baǵdarlamasyn iske qosty. Tapsyrylǵan eski kombaındar men traktorlar ornyna jeńildik sertıfıkattary berildi. Jeńildik sertıfıkatynyń nomınaly aýyl sharýashylyǵy tehnıkasynyń túri men jıyntyǵyna baılanysty 560 myń teńgeden 2 mıllıon teńgege deıin baǵalandy.
