Bul týraly AQSh Prezıdenti Djo Baıden ABC telearnasyna bergen suhbatynda málimdedi. Ol osy aıdyń aıaǵyna deıin aýǵan jerinen barlyq amerıkalyqty shyǵaryp úlgermese, merzimdi ári qaraı sozatynyn aıtty.
Aq úı basshysynyń málimeti boıynsha 15 myń óz azamattarynan basqa 65 myń aýǵan turǵyny Qurama Shtattarǵa jetkizilýi tıis. Sondaı-aq Baıden eger evakýasııa 31 tamyzǵa deıin aıaqtalsa, barlyq ásker Aýǵanstannan kesimdi merzimde ketetinin atap ótti.
«Aýǵanstannan jaıdan jaı, yń-shyńsyz ketýge bolatyn edi degen ıdeıaǵa senbeımin. Áskerimizdi shyǵarýdyń túbi osyndaı alasapyranǵa uryndyratyny beseneden belgili edi. Biraq biz tálipter elden ketkisi keletin adamdardy ustap, jibermeı qoıady dep kútpedik jáne AQSh sarbazdaryn sol jaqta qaldyrý týraly sheshim qabyldasaq, onda budan da kóp ásker kirgizýge májbúr bolatyn edik», dep málimdedi AQSh Prezıdenti Djo Baıden.
