«Álippe» men «Saýat ashýdyń» aıyrmashylyǵy bar. Eń bastysy – balanyń saýatyn ashý kezeńderindegi aıyrmashylyǵy. Álippe deıingi kezeń, álippe kezeńi, álippeden keıingi kezeń eki oqýlyqta ártúrli ýaqytty qamtıdy. «Álippeni» 1-jartyjyldyqta aıaqtap, «Ana tili» oqýlyǵyna kirisetinbiz.
Al «Saýat ashýda» álippe kezeńi 3-toqsanǵa deıin jalǵasady. Bul balany jalyqtyryp jiberetin prosess.
«Álippede» barlyq sóz, sóılem býyn-býynǵa bólinip beriletin. Árippen tanysqanda, tómengi jaǵynda áriptiń jazba túri, sózderdiń, sóılemderdiń kórkem jazý úlgisi kórsetiletin. Álippe kezinde áripke baılanysty áńgime mátinder beriledi. Mátinder qysqa mazmundy, balanyń túsinýine jeńil, óleńder jattap alýǵa, este saqtaýǵa, qabyldaýǵa ońaı bolatyn.
«Saýat ashýdyń» jańalyǵy men ózgesheligi kóp. Basty ereksheligi - tyńdalym, jazylym, oqylym jáne aıtylym syndy deńgeılerden turady. Bir áripti úırenýge tórt-bes sabaq arnalady da, sol ýaqytta balany ózdiginen izdenýge úıretetin túrli tapsyrma beriledi. Iаǵnı, balany jattandy bilimge baǵyttaý emes, bir dúnıeni úırenýge ózinshe talpyný, izdený, kerekti bilimdi ıgerýge ózi kúsh salyp baryp, qabyldaýǵa baýlıdy. Qarapaıym dıalogty oqýshylar tyńdalym arqyly birinshi synypta-aq meńgerýine múmkindik beredi», dep túsindirdi Maral Smaǵulova baq.kz-ke bergen suhbatynda.
