M.Tileýberdi delegasııany Qazaqstannyń syrtqy saıasatynyń basymdyqtary týraly egjeı-tegjeıli habardar etti. Sondaı-aq, ol eýropalyq dıplomatty «Halyq únine qulaq asatyn memleket» tujyrymdamasy aıasynda Prezıdent Q.Toqaev bastamashy bolǵan saıası reformalardyń iske asyrylý barysymen tanystyrdy.
EO arnaıy ókili Qazaqstanǵa alǵashqy saparyn uıymdastyrǵany úshin alǵysyn bildirip, Qazaqstannyń Eýroodaqpen yntymaqtastyǵyn nyǵaıtýǵa jan-jaqty qoldaý kórsetýge daıyn ekenin bildirdi.
«Ortalyq Azııa – Eýropalyq odaq» dıalogtyq platformasy sheńberinde taraptar 5-6 qazanda Almaty qalasynda gıbrıdti formatta ótkizili josparlanyp otyrǵan aldaǵy Azamattyq forýmdy talqylady. Atalǵan forým Ortalyq Azııa jáne Eýropalyq odaq azamattyq qoǵam ókilderiniń qatysýymen ótedi.
Kelissózderdiń taǵy bir taqyryby Aýǵanstandaǵy jaǵdaı boldy. Taraptar osy eldegi jaǵdaıdy turaqtandyrý boıynsha qoldaý men birlesken sharalar qajettigin atap ótti.
Sonymen qatar, QR - EO Keńeıtilgen strategııalyq áriptestik týraly kelisimdi iske asyrý barysy talqylandy. Premer-Mınıstrdiń orynbasary Yntymaqtastyq keńesiniń otyrysy barysynda qol jetkizilgen ýaǵdalastyqtardy is júzinde iske asyrý qajettigin atap ótti.
Kezdesý sońynda taraptar turaqty jumys baılanystaryn ornatýǵa kelisti.
