Polısııaǵa Pavlodar qalasy turǵynynyń pyshaq jaraqatyn alǵany týraly habarlama kelip tústi. Polıseıler anyqtaǵandaı, páterde ákesi men 14 jastaǵy kámeletke tolmaǵan balasy arasynda janjal bolǵan.
«Ákesi balasyna telefonda oınaǵany jáne úıdi jóndeýge kómektesýden bas tartqany úshin eskertý jasaǵan. Telefondy alyp, er adam úıdiń aýlasyna bet alǵan, sol kezde jasóspirim ákesine ashýlanyp, as úı pyshaǵyn alyp ákesin pyshaqtaǵan. Er adam pyshaq jaraqatymen Pavlodar qalasynyń aýrýhanasyna jatqyzyldy. Atalǵan fakti boıynsha Qazaqstan Respýblıkasy Qylmystyq kodeksiniń 106-baby 1-bólimi boıynsha sotqa deıingi tergeý júrgizilýde», dep habarlady Pavlodar oblysy Polısııa departamenti bastyǵynyń birinshi orynbasary Jasqaırat Qaıyrov.
Aıta keteıik, aǵymdaǵy jyldyń basynan beri Pavlodar oblysynyń aýmaǵynda kámeletke tolmaǵandar jasaǵan 11 qylmys tirkelgen.
