«Qazaqstan Respýblıkasy Ulttyq qaýipsizdik komıteti men «QR UQK organdarynyń ardagerleri respýblıkalyq qoǵamdyq birlestigi» QR Prezıdenti Kúzet qyzmeti bastyǵynyń burynǵy orynbasary - Úkimettik baılanys agenttiginiń dırektory, QR UQK ardagerler keńesiniń tóraǵasy, otstavkadaǵy general-maıor Jaqypbekov Sábet Malǵajdarulynyń qaıtys bolýyna baılanysty týystary men jaqyndaryna qaıǵyryp kóńil aıtady», delingen vedomstvo habarlamasynda.
General-maıor Sábet Jaqypbekov 20 jyldan asa Qazaqstannyń úkimettik baılanysyn tabysty basqardy jáne respýblıkamyz ben TMD elderindegi osy qyzmettiń eń tanymal basshylarynyń biri boldy. Ol óz isin qazirgi ýaqytta da jalǵastyryp kele jatqan joǵary kásibı mamandar tobyn tárbıelegen.
Jetistikteri úshin General Sábet Jaqypbekov "Qurmet Belgisi" ordenimen, Qazaq KSR Joǵarǵy Keńesi Prezıdıýmynyń Qurmet gramotalarymen jáne medaldarmen marapattalǵan. "KSRO MQK qurmetti qyzmetkeri", "QR UQK qurmetti qyzmetkeri", "Reseı Federasııasy Prezıdenti janyndaǵy Úkimettik baılanys federaldy agenttiginiń qurmetti qyzmetkeri", "Qurmetti baılanysshy" belgilerimen marapattalǵan.
Otstavkaǵa shyqqannan keıin ol «Nursat» telekommýnıkasııalyq kompanııasynyń prezıdenti retinde jumysyn jalǵastyryp, Qazaqstan Respýblıkasynyń táýelsiz ulttyq spýtnıktik baılanys jelisin qurýǵa qatysqan.
