Shekaradaǵy atys kezinde Izraıl sarbazy aýyr jaralanǵan edi. Budan bólek, qaqtyǵys kezinde 41 palestınalyq ta jaraqat alǵan. Olar, negizinen, Hamas jáne Ierýsalımdi qoldaıtyn basqa fraksııalar uıymdastyrǵan Gazadaǵy narazylyq kezinde jaralanǵan.
Júzdegen palestınalyq myqty bekingen shekara mańyna jınalǵan. Oqıǵa barysynda keıbireýler shekara qorshaýyn buzýǵa tyrysqan. Endi biri Izraıl áskerlerine qaraı jarylǵysh zattardy laqtyrǵan kórinedi.
Buǵan jaýap retinde Izraıl áskerıleri qarýdan oq jaýdyrǵan. Gaza densaýlyq saqtaý mınıstrliginiń habarlaýynsha, aýyr jaralanǵan eki palestınalyqtyń arasynda basynan oq tıgen 13 jasar bala bar. Al basqa jaraqat alǵandardyń kóbiniń aıaq-qolyna, arqasyna jáne ishine oq tıgen.
Izraıl áskeriniń habarlaýynsha, sarbazdarǵa atylǵan oqqa jaýap retinde Izraıldiń joıǵysh ushaqtary Hamasqa tıesili qarý-jaraq saqtalatyn jáne óndiriletin aımaqqa shabýyl jasaǵan. Ázirge zardap shekkender týraly aqparat joq.
Sondaı-aq Izraıl Gazanyń shekara aımaǵyna qosymsha kúshter jibergenin málimdedi. Eldegi buqaralyq aqparat quraldary áskerılerdiń «Temir kúmbez» zymyranǵa qarsy júıesin qoldanýdy kúsheıtkenin habarlady.
