Bul týraly Euronews.com saıty málimdedi.
22 tamyzda áýejaı mańyndaǵy dúrbeleń kezinde jeti adam qaza bolǵan. Sońǵy kúnderi kem degende 20 adam túrli oqıǵa saldarynan qaza boldy. Sodyrlar áýe aılaǵyndaǵy jaǵdaıǵa jaýapkershilikti AQSh-qa júktep otyr.
AQSh qorǵanys mınıstri Lloıd Ostın Pentagon Prezıdent Djo Baıdenge 31 tamyzǵa deıin belgilengen evakýasııa merzimin uzartý jóninde usynymdar beretinin aıtty.
«Biz jaǵdaıdy baǵalap otyrmyz jáne múmkindiginshe kóp adamdy aerodromǵa kóshirý úshin bar kúshimizdi salamyz. Mejeli kúnge jaqyndap qalǵandyqtan prezıdentke usynystar daıyndaımyz. Biz AQSh azamattarymen baılanysý úshin jáne olardyń aerodromǵa jetýine kómektesý úshin ár túrli ádisti qoldanamyz», dedi ol.
AQSh Prezıdenti Djo Baıdenniń ákimshiligi Aýǵanstannan adamdardy evakýasııalaý úshin amerıkalyq áýe tasymaldaýshylarǵa tıesili azamattyq ushaqtardy qoldanýdy uıǵarǵan.
Al, bılikti basyp alǵan tálipter jaqyn arada jańa úkimetti jarııalaýǵa ýáde berdi.
