Qazaqstannyń Tuńǵysh Prezıdenti belgili jazýshy, synshy, telejýrnalıst, Qazaqstannyń eńbek sińirgen qaıratkeri Sultan Orazalınniń dúnıeden ótýine baılanysty aýyr qaıǵyǵa ortaqtasyp, kóńil aıtty.
«Sultan Sháripuly búkil sanaly ǵumyryn ádebıet pen mádenıetke, ásirese qazaq televızııasy men radıosynyń órkendeýine arnady. Sonymen qatar egemendik jyldary birqatar jaýapty memlekettik qyzmetterdi de abyroımen atqaryp, qalamgerlik pen qaıratkerliktiń tizginin teń ustaǵan talantty tulǵa, maıtalman maman bolatyn. Onyń qoǵamdaǵy kókeıkesti máselelerdi arqaý etip, áleýmettik astaryn asha bilgen aıshyqty avtorlyq baǵdarlamalary men ádebı-mádenı habarlary, tanymdyq teleqoıylymdary, mazmundy kitaptary qashanda óz qundylyǵyn joǵaltpasy anyq», delingen jedelhatta.
Elbasy sheber uıymdastyrýshy, suńǵyla suhbatshy retinde kópshiliktiń yqylasyna bólengen abzal azamattyń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.
