«Eır Astana» ulttyq áýe tasymaldaýshysy baspasóz qyzmetiniń habarlaýynsha, ushaqtar Ulybrıtanııaǵa aptasyna eki ret sársenbi men senbi kúnderi ushady. Nur-Sultan - London reısiniń uzaqtyǵy 7 saǵat 15 mınýt, al keri baǵytta - 6 saǵat 30 mınýt.
Reıster A321LR uzaq qashyqtyqtaǵy áýe laınerinde oryndalady. Negizgi ekonom-klass tarıfi barlyq salyqtardy qosqanda eki baǵyt boıynsha 284 535 teńgeden bastalady.
«Ulybrıtanııaǵa baratyn jolaýshylarda vaksınasııa mártebesi men azamattyǵyna qaramastan, koronavırýs ınfeksııasyna PTR-testi teris bolýy kerek. PTR synaǵy ushýdan úsh kún buryn júrgizilýi tıis. Jolaýshylar Ulybrıtanııa talaptaryn qatań saqtaýǵa mindetti», dep habarlady áýe tasymaldaýshysy.
