Jóndeý jumystarynyń nátıjesinde oblys ortalyǵynda 1300-den astam kópqabatty úı jylýǵa qosylady. Jylytý kompanııasy qaladaǵy jelilerdiń 50% nasharlaǵanyn eskertedi. Olardy jańǵyrtý úshin kompanııa tarıfterdi 5%-ǵa kóterýdi josparlap otyr. Qazir tabıǵı monopolııalardy retteý departamentine tıisti ótinish daıyndalýda.
Jaıyq ózeniniń taıazdyǵy qalada da tarıftiń qymbattaýyna áser etedi. Qazir jylýmen qamtamasyz etetin mekemedegi sorǵylar apatty rejımde jumys istep tur.
Sonymen qatar jylýsyz jáne ystyq sýmen sýsyz qalmaý úshin kompanııa qyzmetkerleri qala turǵyndaryna kommýnaldyq qyzmet úshin qaryzdaryn qys aldynda tóleýge keńes berdi.
Oraldyqtar jylytý mekemesine 400 mıllıon teńge qaryz.
Jeke sektordaǵy kúrdeli máseleniń biri turǵyndar tarapynan ótelmegen 400 mıllıon teńge qaryz. Sýmmanyń 150 mıllıon teńgesi ótken jyldardaǵa tıesili. Iаǵnı, bul bir kezderi basqa elderge qonys aýdarǵan nemese bir sebeptermen qalada joq abonentteridiń qaryzdary.
