Elshiniń aıtýynsha, Qazaqstan men О́zbekstannyń aýmaǵynda farmasevtıkalyq ónerkásip ashý máselesi qaralyp jatyr. Sondaı-aq S.Nııazhodjaev koronavırýspen kúreste О́zbekstan men Qazaqstannyń ózara baılanysyna erekshe toqtaldy.
«Eki eldiń Densaýlyq saqtaý mınıstrlikteri indetti jeńý jolynda ózara tájirıbe almasty. Qazaqstannyń Densaýlyq saqtaý mınıstri О́zbekstanǵa baryp, eldegi epıdemııalyq jaǵdaıdy jaqsartýǵa qatysty ekijaqty keńes ótti. Odan bólek, pandemııa órship turǵan sátte baýyrlas qazaq eli ózbek baýyrlaryna gýmanıtarlyq kómek kórsetti. Sáıkesinshe bizdiń el de Covid-19-ben kúreste Qazaqstanǵa qol ushyn sozdy. Búginde eki el arasynda atalǵan baǵytta ózara tájirıbe almasý jalǵasyp keledi. Sonyń biri – qazirgi tańda О́zbekstan men Qazaqstan aýmaǵynda farmasevtıkalyq kásiporyn ashý máselesi qaralyp jatyr», dedi Saıdıkram Nııazhodjaev.
Elshiniń aıtýynsha, bıylǵy
6 aı ishinde Qazaqstan men О́zbekstan arasyndaǵy taýar aınalymy 1,9 mlrd dollarǵa jetti. Atalǵan elde aksıonerlik qoǵam úlesi boıynsha qazaqstandyq ónerkásipter alǵashqy orynda tur.
«Eki el Úkimeti qabyldaǵan ózara kelisimniń nátıjesinde ekijaqty taýar aınalymynyń qarqyny artyp keledi. Buǵan deıin О́zbekstan men Qazaqstan arasyndaǵy taýar aınalymy turaqty deńgeıde boldy. Atap aıtar bolsaq, ótken jyly eki el arasyndaǵy taýar aınalymy 3 mlrd-tan astam dollardy qurady. Bıyl 6 aıdyń ishinde eki el arasyndaǵy taýar aınalymy 1,9 mlrd AQSh dollaryn qurap otyr. Bul ótken jylmen salystyrǵanda 41,3 paıyzǵa joǵary. Qazirgi ýaqytta О́zbekstan respýblıkasy aýmaǵynda Qazaqstan kapıtalynyń qatysýymen 858 ónerkásip jumys istep tur. Onyń ishinde 431 ónerkásip ekijaqty kapıtal (50/50) kómegimen jumys istep tur jáne 427 ónerkásip taza qazaqstandyq kapıtaldyń esebinen óndirisin jalǵastyryp jatyr», dedi О́zbekstan elshisi.
Baspasóz máslıhatynda Saıdıkram Nııazhodjaev О́zbekstandy mekendegen qazaqtardyń jaı-kúıine toqtaldy. Onyń aıtýynsha, qazirgi tańda elde 800 myńnan astam qazaq turyp jatyr.
«2018 jyly Qazaqstanda О́zbekstan Respýblıkasy jyly atalyp ótti. Aıtýly jyl aıasynda Qazaqstanda túrli baǵyttaǵy 90-nan astam is-shara uıymdastyryldy. Sáıkesinshe, 2019 jyly bizdiń elde Qazaqstan jyly atalyp ótildi jáne onyń aıasynda 80-nen astam is-shara ótti. Ekijaqty ótken is-sharalar saıası, aǵartý, mádenı jáne gýmanıtarlyq baǵytqa arnaldy. О́kinishke qaraı, 2020 jyly pandemııaǵa baılanysty ekijaqty is-sharalardy toqtata turýǵa týra keldi. Degenmen, eki el arasyndaǵy ózara baılanys toqtaǵan emes.
Qazirgi tańda О́zbekstanda 822 myń qazaq ómir súrip jatyr. Olar О́zbekstan eliniń damýyna óz úlesin qosýda. Bizdiń elde 400-deı mektep qazaq tilinde bilim berip jatyr. Sonymen qatar О́zbekstannyń 7 joǵary oqý ornynda gýmanıtarlyq jáne tehnıkalyq mamandyqtar qazaq tilinde oqytylady. 1992 jyldan beri О́zbekstannyń 30 oblys ortalyǵynda qazaq mádenı ortalyǵy jumys istep tur», dedi
elshi.
Saıdıkram Nııazhodjaevtyń keltirgen málimetterine súıensek, 630 qandasymyz kórshi ózbek eliniń memlekettik nagradalaryn ıelengen. Elshi baýyrlas Qazaqstanmen atalǵan baǵyttaǵy dostyq qarym-qatynas jalǵasa beretinin atap ótti.
