Kezdesýde ákim sportshynyń jetistikterin joǵary baǵalap, ol tek Jambyl oblysynyń ǵana emes, elimizdiń namysyn abyroıly qorǵap, mereıin tasytyp júrgenin aıryqsha atap ótti. «Jambyl jerinen shyqqan sport sańlaqtary az emes. Solardyń biri Eldos Smetov dep bilemiz. Seniń jetistigiń, sporttaǵy tabystaryń – búgingi jas býynǵa úlgi-ónege. Sen ózińniń myqty sportshy ekenińdi taǵy da dáleldeı tústiń. Barsha jankúıerlerdiń úmitin aqtadyń», dedi ol.
Sonymen qatar Berdibek Saparbaev jambyldyqtardyń atynan Eldos Smetovke jańa avtokóliktiń kiltin tapsyryp, aldaǵy ýaqytta da el sportyn damytý jolyndaǵy eleýli eńbegine sáttilik tiledi. Al sportshynyń jattyqtyrýshysy Ǵalymjan Jylgeldıevke 1 mıllıon teńgeniń sertıfıkatyn tabys etti. Kezdesý sońynda Eldos Smetov ózine qurmet kórsetken oblys basshylyǵyna jáne jerlesterine alǵysyn jetkizdi.
Jambyl oblysy
