«Álemde koronavırýstyq ınfeksııanyń 213 mıllıonnan astam jaǵdaıy tirkeldi, táýligine 480 myńnan astam adamnyń vırýs juqtyrǵany anyqtaldy, 4,4 mıllıonnan astam adam qaıtys boldy. DDSU-nyń 6 aımaǵynyń tórteýinde shilde aıynyń ekinshi onkúndiginen bastap aýrýshańdyqtyń ósý tendensııasy baıqaldy. Sońǵy aptada Ázirbaıjanda naýqas sany kóbeıdi, onda bir apta ishinde aýrýshańdyq 63%-ǵa ósti, Japonııada - 34%, Izraılde - 33%. Qazaqstanda aptalyq ósim 7%-ǵa tómendedi», dedi Alekseı Soı Úkimet otyrysynda.
Onyń aıtýynsha, aýrýshańdyq pen ólim kórsetkishi 1 mıllıon turǵynǵa shaqqandaǵy álemdik reıtıngte Qazaqstan 222 eldiń ishinde 101-orynda.
«24 tamyzdaǵy málimet boıynsha, Qazaqstanda 747 851 naýqas tirkeldi, Covid-19 oń nátıjesimen jáne 67 870 adamnan KVI anyqtaldy. Túrkistan oblysynan basqa barlyq óńir «qyzyl» aımaqta. Sońǵy eki aptada Qazaqstanda koronavırýs ınfeksııasyn juqtyrǵandar sany birtindep, 10%-ǵa tústi. 1 tamyzdan bastap respýblıkada koronavırýstyq ınfeksııanyń taralý ındeksi 1,11-den 0,93-ke deıin 1,2 ese tómendedi», dep qorytyndylady mınıstr.
