Densaýlyq saqtaý mınıstrligi koronavırýstyq ınfeksııanyń epıdemıologııalyq jaǵdaıyna qarasha aıyna deıingi boljamdy jańartty. Pessımıstik ssenarıı boıynsha qyrkúıekte tirkelgen jaǵdaılardyń ortasha táýliktik sany 6300 jaǵdaıǵa deıin, qazanda 2400 jaǵdaıǵa deıin bolady dep boljanýda.
«Qazirgi epıdahýaldy saralaı kele, qyrkúıekte táýligine 5300-ge deıin, qazanda 1800-ge deıin adam vırýs juqtyrý qaýpi joǵary. Optımıstik kózqaras turǵysynan elimizde qyrkúıekte koronavırýs juqtyrǵandar sany 4200 jaǵdaıǵa deıin, al qazanda táýligine 1300 jaǵdaıǵa deıin tirkelýi múmkin», dedi Densaýlyq saqtaý mınıstrliginiń basshysy úkimet otyrysynda.
24 tamyzdaǵy jaǵdaı boıynsha 123 226 adam koronavırýsty emdeýdi jalǵastyrýda, onyń 28 577 naýqas aýrýhanada, al 94 649 adam ambýlatorlyq deńgeıde.
