«Jalpy sanaq ótkiziletin ýaqytta 32 myń adam jumysqa alynady. Almaty jáne Nur-Sultan qalalarynyń, Qostanaı jáne Shyǵys Qazaqstan oblystarynyń ákimdikteri jumysty durys jolǵa qoıǵan. Al Mańǵystaý, Aqtóbe oblystary men Shymkent qalasy ákimdikteriniń jumys qarqyny jetkiliksiz. О́ńirlerdiń ákimderi halyq sanaǵyna daıyndyq barysyn jeke baqylaýǵa alsyn», degen Úkimet basshysy sanaqty ótkizý boıynsha birqatar máselege toqtaldy.
«Birinshi. О́ńirlerdiń ákimderi men Ulttyq statıstıka bıýrosy Eńbek jáne halyqty áleýmettik qorǵaý, Bilim jáne ǵylym, Densaýlyq saqtaý mınıstrlikterimen birge qysqa merzimde mindetti vaksınasııalaýdan ótken jumyskerlerdiń qajetti sanyn jumysqa ornalastyrýdy qamtamasyz etsin. Ekinshi. О́ńirlerdiń ákimderi, Ulttyq statıstıka bıýrosy jáne Ishki ister, Densaýlyq saqtaý mınıstrlikteri halyq sanaǵyn ótkizý boıynsha barlyq uıymdastyrýshylyq máselelerdi pysyqtasyn. Úshinshi. Aqparat jáne qoǵamdyq damý mınıstrligi Ulttyq statıstıka bıýrosy jáne ákimdiktermen birge halyq arasynda ulttyq sanaqtyń júrgizilý maqsaty men tártibi týraly túsindirý jumystaryn kúsheıtsin», dedi Asqar Mamın.
Bul jumysty baqylaý men úılestirýdi ol orynbasary Álıhan Smaıylovqa tapsyrdy.
