Bul týraly qalalyq polısııa departamentiniń baspasóz ókilderi málimdedi.
Saǵat 22:30-da 102 nómirine qaraqshylyq shabýyl jóninde habarlama kelip túsken. Telefon shalǵan áıel B.Momyshuly dańǵylyndaǵy dárihanada belgisiz bireýdiń pyshaqpen qorqytyp, kassadan 30 myń teńgeni tartyp alǵanyn aıtty. Kúdiktini ustaýǵa polısııanyń jeke quramy jumyldyryldy.
«Tergeý barysynda keshki saǵat onnyń shamasynda dárihanaǵa maska taǵyp alǵan belgisiz er adamnyń kirip, dári suraǵany anyqtaldy. 23 jastaǵy farmasevt sóreden dári alýǵa bara jatqanynda, er adam artynan júgirip kelip, tamaǵyna pyshaq taqap, kassadaǵy aqshany berýin talap etken. Aqshany qolǵa alǵan soń, qashyp ketken», delingen habarlamada.
Jedel qyzmetkerler dárihana jaqtan júgirip ótken jigit kózine ilikken kýágerlerdi tapty. Beınebaqylaý kameralarynyń kómegimen kúdiktiniń jasyrynǵan tusy anyqtaldy. Polıseıler barlyq jataqhana, hostel, avtoservıs jáne ózge oryndardy tekserdi. Kompıýter klýbynyń birin tekserý kezinde kúdiktige uqsas 26 jastaǵy jigit ustaldy. Odan pyshaq pen aqsha tabylǵan. Er adam kinásin moıyndady.
Atalǵan fakti boıynsha qylmystyq is qozǵaldy. Kúdikti ýaqytsha ustaý oqshaýlaǵyshyna qamaldy. 23-29 tamyz kúnderi aralyǵynda elorda aýmaǵynda «Quqyq tártibi» jedel-aldyn alý sharasy ótip jatyr. Sharanyń bir kúninde elorda aýmaǵynda 25 qylmys ashyldy, sonyń ishinde 18-i sol kúni ashylǵan.
Sondaı-aq buryn jasalǵan 12 qylmys ashyldy, izdeýde bolǵan 4 qylmysker ustaldy. Ishki ister organdarynyń profılaktıkalyq esebinde turǵan 480 tulǵa tekserilgen.
