ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirýshiler Kókpekti jáne Aıagóz aýdandarynda shópti sharpyǵan tilsiz jaýmen kúresip jatyr. Olarǵa jergilikti atqarýshy organ ókilderi men ormanshylar kómektesýde.
«Kókpekti aýdanyndaǵy «Klıýchı» ýchaskesinde qyzyl jalynnyń jalpy aýdany 45 gektardy, Aıagóz aýdanyndaǵy Qara Bojyr ýchaskesinde 25 gektardy jáne Úmbetaı ýchaskesinde 10 gektardy quraǵan. Oqıǵa ornynda barlyǵy 88 órt sóndirýshi, jergilikti atqarýshy organnyń 92 qyzmetkeri, 10 ormanshy jáne 27 tehnıka jumyldyrylǵan», dep habarlady vedomstvo ókilderi.
О́rtti sóndirýge qatty jel jáne arnaıy tehnıkanyń qozǵalysyna jolsyz jer kedergi keltirýde.
