Pavlodar oblystyq polısııa departamentiniń málimetinshe, kúdikti polıseılerdiń kezekti reıdi kezinde qolǵa túsken.
Tańǵy saǵat 08.45 shamasynda jańa qala aýylynyń mańynda, «Omby-Maıqapshaǵaı» avtojolynyń 358 shaqyrymynda rota ınspektory Abaı Tynybaev «GAZ 3110»avtokóligin toqtatqan.
Qujattardy tekserý kezinde 52 jastaǵy júrgizýshi ózin birtúrli ustaǵan. Tekserý barysynda avtokólik salonynda júrgizýshi oryndyǵynyń astynan «TOZ» myltyǵy men 16 kalıbrli 17 patron tabyldy. Bul zattardyń tıisti qujattary bolmaǵan. Myltyqty qandaı maqsatpen alyp júrgenin jáne onyń qaıdan shyqqanyn júrgizýshi túsindire almady.
Derekter bazasynda myltyq basqa adamǵa tıesili ekeni anyqtaldy. Myltyq pen patrondar tárkilenip, júrgizýshige qatysty QR ÁQBtK-niń 484-baby 1-bóligi boıynsha ákimshilik is qozǵaldy.
«Tek bir táýlik ishinde 143 ákimshilik quqyq buzýshylyq anyqtaldy. Onyń ishinde 45 júrgizýshi jyldamdyqty shekten tys asyrsa, 19 júrgizýshi tehnıkalyq aqaýly jaǵdaıda kólik quralyn basqarǵan. Al 3 júrgizýshi kólikti mas kúıinde aıdaǵan. Mysaly, saǵat 03.10 – da «Pavlodar-Sharbaqty» avtojolynyń 8 km-de júrgizýshisi mas kúıinde bolǵan «Aýdı 80» avtokóligi toqtatyldy.
Oǵan qatysty QR ÁQBK 608 baby boıynsha ákimshilik is qozǵaldy, materıal sotqa joldandy, avtokólik aıyp turaǵyna qamaldy», dep habarlady Pavlodar oblysy polısııa departamentiniń patrýldik polısııa rotasy komandıriniń mindetin atqarýshy Ádilet Merǵazın.
Aıta ketý kerek, aǵymdaǵy jyldyń basynan beri óńirde qarý men onyń patrondaryn satyp alý, berý, esepke alý, saqtaý, paıdalaný, tasymaldaý tártibin buzǵany úshin 480 azamatty jaýapkershilikke tartyldy.
