Nur-Sultan qalasynyń ákimi bıyl 15 mektep salynatynyn atap ótti. Bul 40 myńnan astam oqýshyǵa arnalǵan jańa bilim ordasy. Josparly kórsetkish 2020 jylmen salystyrǵanda 2 ese jáne 2019 jylmen salystyrǵanda 4 ese kóp.
Qurylys kezinde mektepterdiń materıaldyq-tehnıkalyq jabdyqtalýy da eskeriledi: IT jáne STEM-kabınetter arqyly oqýshylar 3D-obektilerdi qura alady, robottardy jasap úırenip, ǵylymı-tehnıkalyq bilimderin birden praktıkada qoldanýǵa múmkindik týady. Oqý oryndary qalanyń barlyq aýdanynda, sonyń ishinde turǵyn alaptarynda salynyp jatyr.
Elordada aldaǵy 5 jylda jol kartasy aıasynda 67 mektep salý josparlanyp otyr. Oqý oryndaryn salý, onyń ishinde jeke ınvestısııa tartý esebinen júrgizilýde. Bul úsh aýysymdy jáne oqýshylary tym kóp mektepterdiń problemasyn sheshedi.
