Buıryq jobasynda kelesi ózgerister qarastyrylǵan:
- abonenttermen uıaly baılanys qyzmetterin kórsetý týraly sharttardy jasasady;
- abonentke uıaly baılanys operatorynyń jáne abonenttik qurylǵynyń tehnıkalyq múmkindigine súıene otyryp, qashyqtan uıaly baılanystyń abonenttik qurylǵysyna QR kodyn (eSim) berý, jetkizý nemese júkteý jolymen abonentti sáıkestendirý kartasyn alý múmkindigin beredi
- abonentterdi sáıkestendirý tetikterin qoldaný (elektrondyq sıfrlyq qoltańba, QR kody, SMS);
- mekenjaı anyqtamasy (kórsetilgen mekenjaı boıynsha tirkelgenin rastaıtyn qujat) alynyp tastaldy.
Roýmıng-seriktestiń sharttary týraly kez kelgen habarlama qysqa mátindik habarlamalar nemese USSD-suraý jiberý arqyly abonent basqa elge kirgenin tıisti rastaǵannan keıin abonentke jiberiledi.
Sondaı-aq baılanys operatorlarynyń halyqqa qyzmet kórsetý sapasyn jaqsartý jáne telefon qyzmetterin sapaly usyný maqsatynda telefon baılanysy qyzmetterin kórsetý merzimi qysqarady.
Infokommýnıkasııalyq tehnologııalardyń damýyna baılanysty abonenttermen shart jasasý úshin qajetti aqparatty alý joldary keńeıedi.
Bul rette abonentterdiń múddesin qorǵaý úshin tarıftik jospardyń sharttary ózgergen kezde abonentke habarlasyp, kelisimi alynýy kerek.
Sondaı-aq abonenttiń ótinishi boıynsha baılanys jelilerinde avarııa bolǵan jaǵdaıda jáne uıaly baılanys operatorynyń kinásinen baılanys bolmaǵan kezde abonenttik tólemdi qaıta esepteýdi júrgizedi.
Abonentter kelisim-shartty birjaqty buza alady, bul týraly baılanys operatoryna jazbasha túrde habarlap, oǵan keltirilgen naqty shyǵyndardy tóleı alady.
Sonymen qatar alynǵan baılanys qyzmetteri týraly aı saıyn aqysyz aqparat alý joldary keńeıtiledi.
Buıryqtyń jobasy 9 qyrkúıekke deıin qoǵamdyq talqylaý úshin AshyqNQA veb-saıtynda ornalastyrylǵan.
