«Aýyl, aýdan jáne qala mártebesin berý talaptary qaıta qaralady. Qala mártebesiniń berilýi úshin onda turatyn halyqtyń sany 10 myńnan kem bolmaýy tıis, al bizde halyq sany 10 myńǵa jetpeıtin qalalar bar. Halqy 10 myńnan asatyn, biraq aýyl mártebesi berilgen kezder de boldy. Osy máselerdi sheshý úshin, talaptardy qaıta qarap, jańa standart daıyndalady. Standartta halyqtyń sanynan bólek, aýylda nemese aýdanda qandaı ınfraqurylym bolýy tıis, onyń damý kórsetkishi tolyq kórsetiletin bolady. Qalalar deńgeıine qaraı 3-ke jikteledi: aýdandyq mańyzy bar qala, oblystyq jáne respýblıkalyq mańyzy bar qala», dedi Mırjan Imanbaev.
Onyń aıtýynsha, aýdandyq mańyzy bar qalada halyqtyń sany 10 myńnan kem bolmasa, oblystyq mańyzy bar qalada keminde 50 myń adam turýy tıis.
«Bıýdjet berilgen mártebege sáıkes belgilenedi. Árıne aýylǵa qaraǵanda aýdan men qalanyń bıýdjeti molyraq. Elimizde aýyl, aýdan jáne qala mártebesin berý talaptaryna taldaý jasaý kelesi jyly qolǵa alynady. Al standarttyń ózin 2023 jyly qabyldaý josparlandy», dep naqtylady ol.
