Hokkaıdo, Mııagı, Gıfý, Aıchı, Mıe, Shıga, Okaıama jáne Hırosıma osy jumadan bastap 12 qyrkúıekke deıin, Tokıo men Osakany qosa alǵanda, qatań shara qoldanǵan ózge 13 prefektýranyń qataryna qosylady. Bul qadam Japonııa tótenshe jaǵdaıdyń aýqymyn keńeıtkennen birneshe kún ótken soń jasaldy. О́ıtkeni vırýstyń «Delta» shtamy eldiń medısınalyq júıesine aýyrtpalyq túsirip, keńinen taralyp jatyr. Premer-mınıstr Ioshıhıde Sýga bul sheshimdi juqpaly aýrýlar men basqa da salalardaǵy sarapshylar toby qoldaǵannan keıin jumys tobynyń otyrysynda resmı túrde maquldady.
Tótenshe jaǵdaı kezinde meıramhanalar alkogol satpaıdy, karaokege barmaý usynylǵan, sondaı-aq olar keshki 8-ge deıin jabylýy kerek. Dúkender men saýda ortalyqtaryn qosa alǵanda, iri kommersııalyq nysandarǵa bir ýaqytta ruqsat etilgen kelýshilerdiń sany shekteletin bolady. Bul sheshim Tokıo Paralımpıada bastalǵannan bir kún ótken soń qabyldanyp otyr. Bul jarys ta Olımpııa oıyndary sekildi indettiń taralýyna baılanysty kórermensiz ótip jatyr. El astanasynda sársenbide 4 228 adamnyń indet juqtyrǵany anyqtalǵan.
