«Bul - óte aýqymdy shara. Eki apta boıy álem tennısiniń nazary Qazaqstanǵa aýady, óıtkeni aldymen erler arasynda ATP 250 týrnıri ótedi, sodan keıin birden áıelder WTA 250 bastalady. Biz álem tennısshileri men jankúıerlerin umytylmas jaqsy áserge bóleý úshin bar kúshimizdi salamyz», deıdi Astana Open WTA 250 týrnıriniń dırektory Pıter Djonston QTF baspasóz qyzmetine bergen suhbatynda.
Áıelder arasyndaǵy týrnırdiń negizgi kezeńine Qazaqstan quramasynyń barlyq kóshbasshysy qatysady. ATP 250 jáne WTA 250 bastalmas buryn Nur-Sultanda Qazaqstan chempıonaty ótedi. Jeńimpazdar negizgi kezeńge wild card alady, al fınalıster irikteý oıynyna qatysady.
