Sondaı-aq 2021-2022 oqý jylynda barlyq bilim berý uıymdaryna shtattyq formatta oqýǵa ruqsat berildi.
Aýdan ákimderi, Almaty qalasy bilim basqarmasy, joǵary oqý oryndary, jekemenshik mektepter men balabaqsha basshylary pedagogter men personaldyń 100% koronavırýsqa qarsy vaksına saldyrýyn qamtamasyz etýi kerek. Bul tizimge medısınalyq qarsy kórsetilimi bar naýqastar men keıingi 3 aıda aýyrǵan azamattar kirmeıdi.
Mekemege kireberiste pedagogter men qyzmetkerler, ata-analar, 18 jastan asqan bilim alýshylar Ashyq qosymshasy arqyly tirkeledi.
Al sheteldik stýdentter turǵylyqty eldiń ýákiletti organy rastaǵan Covid-19 ınfeksııasyna qarsy vaksınany tolyq saldyrǵanyn rastaıtyn qujatyn kórsetip, Qazaqstan memlekettik shekarasynan ótkennen keıin 3 táýlikten keshiktirmeı PTR ádisi arqyly koronavırýstyń joq ekenin kórsetken jaǵdaıda kúndizgi oqý formatyna jiberiledi.
Qaýlyǵa sáıkes, mektepke deıingi jáne orta bilim berý uıymdaryna, kolledj, joǵary oqý oryndaryna respıratorlyq ınfeksııa belgileri bar adamdarǵa (jótel, murynnyń bitelýi, temperatýrasy 37 gradýstan joǵary), QR-kod boıynsha tirkeý kezinde «sary» jáne «qyzyl» statýsy bar adamdarǵa, Covid-19 ınfeksııasyna qarsy vaksına saldyrmaǵan pedagogter men personalǵa kirýge ruqsat berilmeıdi.
Aıta keteri, «sary» jáne «qyzyl» statýs Covid-19 tabylǵan adam men Covid-19 anyqtalǵan adammen baılanysta bolǵan kezde shyǵady.
