«250 turǵyny bar Qaınar aýyly 1 shaqyrymǵa jetpeıtin qashyqtyqta ornalasqan. Halyqty evakýasııalaý bastaldy. Eki úlken jarylys pen oblystyq tótenshe jaǵdaılar departamentiniń jaralanǵan bir qyzmetkeri týraly aqparat bar. Qyzmetkerdiń derekteri naqtylanyp jatyr. Dabyl belgisi boıynsha oblystyń polısııa departamentiniń jeke quramy(300 adam) jáne 5513 áskerı bóliminiń jeke quramy (520 adam) qyzmetke kiristi», dep jazady oblys ákimdigi.
Oqıǵa ornyna 30 esepteýden turatyn jedel járdem brıgadasynyń jáne oblystyq tótenshe jaǵdaılar departamentiniń qyzmetkerleri jiberildi.
Apat bolǵan jerge baratyn barlyq jol, sonyń ishinde temirjol ýaqytsha jabyldy.
Jaqyn mańdaǵy Bazarbaı, Úsh-Bulaq, Jańaturmys aýyldarynyń turǵyndary evakýasııalanyp jatyr.
Qoǵamdyq tártipti qorǵaý jáne tonaýdyń aldyn alý maqsatynda evakýasııalanǵan eldi mekenderdi patrýldeý uıymdastyryldy.
Baızaq aýdanynda jedel shtab quryldy, ony oblys ákimi B.Saparbaev basqarady.
«Almaty-Taraz» joldaryn oblystyń jol polısııasynyń 3 ekıpajy, «Taraz-Almaty» 5 ekıpajy ýaqytsha jaýyp tastady.
Taraz qalasynyń №1 qalalyq aýrýhanasyna túrli jaraqatpen 32 adam tústi. Onyń ishinde 10-y áskerı qyzmetshi.
Qorǵanys mınıstrliginiń jazýynsha, qoımada kóbinese uzaq qashyqtyqqa qabiletti emes ınjenerlik oq-dáriler saqtalady. Barlyǵy 6 jarylys bolǵan.
