Atalǵan bilim ordasynyń 4-kýrs stýdenti «Shevron» kompanııasy men Nazarbaev Ýnıversıteti uıymdastyrǵan ýnıversıtetter aýmaǵyn abattandyrý baıqaýynda 700 myń teńge mólsherindegi grantty jeńip alǵan bolatyn.
Bolashaq ekolog Alına Chýmysheva grant qarajatyn «Bizdiń oryn» dep atalǵan jobaǵa saldy. Emen, sheten, shyrsha jáne jabaıy júzim syndy jasyl jelekke malynǵan jaıly demalys aýmaǵynda aǵashtan jasalǵan jappa, jaıaý júrginshilerge arnalǵan tas tósemder bar.
Ýnıversıtet basshylyǵy bolsa, Alınanyń ǵylymı turǵydaǵy qyzyǵýshylyǵynyń arqasynda endi stýdentter men oqytýshylardyń sabaqtar, ǵylymı zertteýler men demalys ýaqytyn ótkizýge arnalǵan taǵy bir jaıly da óte qajetti alańnyń paıda bolǵanyn maqtanyshpen aıtady.
Qaraǵandy oblysy
