Sektorda óz jaǵdaıyn barynsha jaqsartqan qarjy ınstıtýty retinde Jusan Bank-ty aıtýǵa bolady. Bank bir aı ishinde NPL 90+ kólemin 361,4 mlrd teńgege azaıtyp tastaǵan. Qazirgi kólemi – 76,2 mlrd teńge.
«Bank qaryz portfeliniń sapasyn qosa alǵanda ósim kórsetkishteri boıynsha júıeli saıasat júrgizýde jáne «Sesnabankten» qalǵan zalaldy «muradan» birtindep arylyp jatyr. Birinshi jartyjyldyq qorytyndysy boıynsha banktiń zııandy zaemdarynyń deńgeıi 17,28 paıyzdy qurady. Bul byltyrǵy kórsetkishten 2,5 ese tómen» dep jazady Finprom agenttigi.
90 kúnnen asqan qaryzdardy qysqartý boıynsha úzdik úshtikke ForteBank (-5,1 mlrd teńge) jáne Halyk Bank (-3,9 mlrd teńge) kirgen. Bul ekeýi de zııandy zaemdardan arylý úshin az eńbektengen joq. Forte 2015 jyly ózine qosaqtap alǵan «Alıans Bank» pen «Temir Bank» muralaryn tazalasa, Halyk 2018 jyly ózi jutyp alǵan «Qazkom» qaryzdaryn jabýǵa biraz ýaqyt jumsady.
Birinshi orynda turǵan Jusan Bank-tyń da bıyl «ATFBank»-pen dám-tuzy jarasqanyn bilemiz. Bıyl 6 qyrkúıekte resmı túrde qosylady. Osylaısha jańa bank otandyq nesıe naryǵynyń 6 paıyzyn, búkil bank sektory jıyntyq aktıvteriniń 8 paıyzdan astamyn enshileıdi. Al ATF-tyń NPL 90+ qaryzdary asa kóp emes: nebári 5,7 paıyz deńgeıinde ǵana.
