QR Bilim jáne ǵylym vıse-mınıstri Sholpan Karınovanyń aıtýynsha, sabaqtar jospar boıynsha bastalady.
«Bul jaǵdaı oryn alǵannan keıin, mınıstrdiń tapsyrmasy boıynsha Balalardyń quqyqtaryn qorǵaý komıtetiniń ókilderi oqıǵa ornyna bardy. О́kilimiz jarylystan zardap shekke bes aýylda boldy. Ol balalardyń barlyq ata-analarymen jáne balalardyń ózderimen kezdesti. Balalardyń jaǵdaıy turaqty, olardyń qaýipsizdigi, turýy, tamaqtanýy úshin jaǵdaılar jasalǵan. Oqytýǵa keletin bolsaq, bul eldi mekenderde mektepter de tekserilýde. Tıisti tehnıkalyq aýdıt júrgiziletin bolady. Ázirge jergilikti atqarýshy organdar, tıisti qurylymdar, sonyń ishinde bizdiń komıtet vızýaldy tekserý júrgizdi. Mektepter kúrdeli salymdardy qajet etedi. Biraq keıbir sheshimder aýdıt júrgizilgennen keıin qabyldanady. Árıne, osy eldi mekenderde turatyn balalarǵa arnalǵan bilim berý uıymdaryndaǵy oqý prosesi toqtatylmaıdy. Oqý jyly mindetti túrde bastalady jáne tıisti sharalar qorytyndy jasalǵannan keıin qabyldanady», dedi vedomstvo ókili.
