1 qyrkúıekten bastap bilim berý uıymdary jańa sanıtarlyq erejelerge sáıkes jumys isteıtin bolady. Qala mektepteriniń oqýshylary men muǵalimderiniń qaýipsizdigin qamtamasyz etý boıynsha birqatar keshendi sharalar qabyldandy.
«Búgingi tańda muǵalimderdiń 99,7%-dan astamy jáne tehnıkalyq qyzmetkerlerdiń 98,9%-y egildi. Barlyq bilim berý uıymdary Ashyq júıesine 100% qosylǵan. Bilim berý uıymdary sanıtarlyq talaptarǵa sáıkes dezınfeksııalyq quraldarmen jáne dári-dármektermen qamtamasyz etilgen», dedi ákimdiktiń baspasóz ortalyǵynda ótken brıfıngte Nur-Sultan qalasy bilim basqarmasynyń basshysy Shákárim Seısenbaı.
Brıfıng barysynda Nur-Sultan qalasynyń Bas memlekettik sanıtarlyq dárigeriniń orynbasary Janna Pirálıeva oqý oryndaryndaǵy dezınfeksııalyq is-sharalar týraly aıtty.
«Qalanyń bilim berý uıymdarynda dezınfeksııalyq is-sharalar, ylǵaldy tazalaý, úı-jaılardy jeldetý jáne kvarstaý, termometr, kúndelikti áleýmettik qashyqtyq, mektep muǵalimderi men tehnıkalyq qyzmetkerlerdi vaksınasııalaý, aýysymdyq oqý prosesin uıymdastyrý, ashananyń, medısınalyq kabınetterdiń jumys rejımi jáne betperde rejımin saqtaý júrgiziledi. Barlyq mektepter sanıtarlyq talaptarǵa sáıkes qajetti quraldarmen jáne dári-dármektermen qamtamasyz etilgen», dep naqtylady Janna Pirálıeva.
Jańa oqý jylynda oqýshylar sany 205 myńǵa ósedi degen boljam bar. Birinshi synypqa 24 myń oqýshy qabyldanady. Mektepke deıingi uıymdar kúndizgi rejımge kóshedi.
Shákárim Seısenbaı muǵalimder men ata-analar arasynda qajetti túsindirý jumystary júrgizilip jatqanyn basa aıtty.
Aıta ketsek, elordada 100-ge jýyq egý pýnkti jumys isteıdi. Nur-Sultanda KVI-ǵa qarsy vaksınanyń birinshi komponentin 400 myńǵa jýyq adam aldy, 325 myńǵa jýyq azamat tolyq ımmýndaýdan ótti.
