«Úkimettiń arnaıy vedomstvoaralyq komıssııasynyń sheshimimen 1 qyrkúıekten bastap barlyq mektepter oqýdy dástúrli formatta bastaýy kerek. Osyǵan sáıkes elimizdiń Bas memlekettik sanıtarııalyq dárigeriniń, Aqtóbe oblysy Bas memlekettik sanıtarııalyq dárigeriniń qaýlylary shyǵaryldy. Osy qaýlylarǵa sáıkes barlyq mektepte sanıtarlyq jaǵdaı tolyq tekserildi. Mektepterde oqýshylar arasynda aýrýdyń taralýyn boldyrmaý jóninde arnaıy sharalar qabyldandy», delingen habarlamada.
О́ńirdegi barlyq muǵalim, tehnıkalyq qyzmetker 100 paıyz vaksına alǵan.
«1 qyrkúıekten bastap barlyq mektepterde arnaıy fıltr uıymdastyrylyp, oǵan arnaıy mamandar bekitiledi. Mektepterde burynǵydaı kabınettik júıe bolmaıdy, ár synyp óz klasynda oqıdy. Qońyraýda ár synyp oqýshylarynyń bir-birimen kezdespeýi jóninde arnaıy sharalar qoldanylady. Ashanaǵa da ár synyptyń balalary bólek-bólek barýǵa tıis. Dezınfeksııalyq sharalar kúsheıtiledi. Mektepke tek vaksına alǵan muǵalimder ǵana kirgiziledi», delingen habarlamada.
Ata-analar Ashyq júıesi arqyly (jasyl mártebesi bolǵanda ǵana) ǵımaratqa kire alady. Osyndaı naqty sharalardyń nátıjesinde mektepterde ınfeksııanyń taralýyna jol berilmeıdi.
«Epıdemıologtar, sanıtar dárigerler, emdeý mekemelerindegi dárigerler turǵyndardy vaksına alýǵa shaqyryp otyr. Vaksına almaıynsha, bul aýrýdy tolyq jeńý múmkin emes. Sebebi vırýs mýtasııalanýy múmkin», delingen habarlamada.
