Qurmetti otandastar!
Qazaqstan halqy Assambleıasy cizderdi memlekettik mereke – Qazaqstan Respýblıkasynyń Konstıtýsııasy kúnimen quttyqtaıdy!
Ata Zańymyz – Qazaqstan halqynyń erkindiginiń jáne elimizdiń eń qymbat qazynasy – adam, onyń ómiri, quqyqtary men bostandyǵy demokratııalyq, zaıyrly, quqyqtyq jáne áleýmettik memleket retinde qalyptasqandyǵynyń kórinisi.
Bıyl bul mereke Táýelsizdiktiń 30 jyldyq mereıtoıymen astasyp, erekshe sımvolızm men tereń maǵynaǵa ıe bolyp otyr.
Qazirgi táýelsiz Qazaqstannyń alǵan asýlary, minsiz memlekettik qurylymy, ashyq naryqtyq ekonomıkasy, búkil álem moıyndap otyrǵan beıbitshil saıasaty – bizdiń Konstıtýsııanyń qol jetkizgen tarıhı nátıjesi ekeni daýsyz.
Konstıtýsııa jalpyulttyq birlikti, etnostar arasyndaǵy tatýlyqty, dostyq pen kelisimdi nyǵaıtý jónindegi memleket pen qoǵam jumysynyń irgeli negizderin aıqyndap, etnostyq qatystylyǵyna qaramastan azamattardyń quqyqtaryn bekitip, teń múmkindikterin qamtamasyz etetinin atap ótý mańyzdy.
Bul postýlattardyń barlyǵy elimizdiń qaryshty damýynyń negizine aınaldy, barlyq josparlanǵan reformalardy birlese tabysty júzege asyrýǵa múmkindik berdi.
Ardaqty aǵaıyn!
Biz Ata Zańymyzda aıtylǵan memlekettiliktiń qazaqstandyq negizderi men azamattyq qaǵıdattarymyzdy qorǵaýǵa jáne tabysty damýdyń, birlik pen kelisimdi nyǵaıtýdyń kepili retinde onyń normalarynyń múltiksiz oryndalýyn qamtamasyz etýge shaqyramyz.
Konstıtýsııa kúni árqashan patrıotızmniń sımvoly jáne Otanǵa degen súıispenshiligimizdiń jarqyn kórinisi bolsyn!
Barshańyzǵa myqty densaýlyq, tabys, yntymaq jáne baq-bereke tileımiz!
Qazaqstan halqy Assambleıasy
